HomeHome  PublicationsPublications  RegisterRegister  Log in  

Latest topics
» Snehatheeram - 108
by Jenzz Yesterday at 3:45 pm

» ഇപ്പോള്‍കേള്‍ക്കുന്ന ഗാനം
by Ammu Mon Aug 21, 2017 6:06 pm

» Malayalam Rare Karaokes
by Binu Sun Aug 20, 2017 6:23 pm

» സിനിമാ അവലോകനങ്ങള്‍-2
by Binu Sun Aug 20, 2017 6:22 pm

» കരോക്കെ ഗാനങ്ങള്‍
by tojosecsb Tue Aug 08, 2017 7:32 pm

» അമ്മമാര്‍ അറിയുവാന്‍ !
by Minnoos Tue Jul 11, 2017 4:31 pm

» സുജാത മോഹന്‍
by Anoop Mukundan Sat Jun 10, 2017 9:59 am

» Ousepachan Songs Collection
by Anoop Mukundan Sun May 14, 2017 11:13 am

» ചുണ്ടുകള്‍ തിളങ്ങട്ടെ
by Ann1 Tue May 09, 2017 11:14 am

» മുഖത്തെ കറുത്ത നിറം
by Ann1 Tue May 09, 2017 10:42 am

» പെണ്ണ് സുന്ദരിയാവുന്നത് 31 വയസ്സില്‍!
by Ann1 Tue May 09, 2017 10:26 am

» VIVO IPL 2017
by shamsheershah Thu Apr 27, 2017 12:06 pm

» കുറച്ച് അവധിക്കാല ഓര്‍മ്മകള്‍...
by rafiquem Sat Apr 01, 2017 9:09 am

» കേജ്രിയുടെ ഡല്‍ഹി ഭരണം !
by midhun Wed Mar 29, 2017 11:19 am

» Modiyum Velluvilikalum-11
by midhun Wed Mar 29, 2017 11:07 am

» FILM News, Discussion(6)
by sandeep Wed Mar 01, 2017 3:13 pm

» പ്രധാന വാര്‍ത്തകള്‍! part - VIII
by sandeep Thu Feb 23, 2017 9:07 am

» The Recipe Corner
by Ann1 Fri Feb 10, 2017 1:46 pm

» കെ. ജെ .യേശുദാസ്
by midhun Thu Jan 26, 2017 7:22 pm

» PC nalkiyathenthu?
by midhun Thu Jan 26, 2017 7:22 pm

social buttons
Top posters
parutty
 
Ammu
 
vipinraj
 
sandeep
 
shamsheershah
 
Neelu
 
Binu
 
unnikmp
 
midhun
 
Greeeeeshma
 
Top posting users this month
Binu
 
shamsheershah
 
binjo
 
Ammu
 
tojosecsb
 
Jenzz
 
August 2017
MonTueWedThuFriSatSun
 123456
78910111213
14151617181920
21222324252627
28293031   
CalendarCalendar

Share | 
 

 അമ്മമാര്‍ അറിയുവാന്‍ !

View previous topic View next topic Go down 
AuthorMessage
Ammu
Forum Boss
Forum Boss
avatar


PostSubject: അമ്മമാര്‍ അറിയുവാന്‍ !   Fri Jun 19, 2015 10:51 am

കൂട്ടുകാരെ.....പുതിയ ഒരു വിഷയവുമായി വരികയാണ് ഈയുള്ളവള്‍ ......

കുഞ്ഞുങ്ങളുടെ പരിപാലനവും , നമ്മള്‍ അറിഞ്ഞിരിക്കേണ്ട ചില കാര്യങ്ങളും ഉള്‍ക്കൊള്ളിച്ചു കൊണ്ടുള്ള വിവിധ പത്ര മാസികകളില്‍ പ്രത്യക്ഷപ്പെടുന്ന ലേഖനങ്ങള്‍ സമാഹരിച്ചു ഇവിടെ ഒരു ത്രെഡിനു കീഴില്‍ അണിനിരത്തുകയാണ് കേട്ടോ..


Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Fri Jun 19, 2015 10:54 am

കണ്‍മണി പൊന്‍മണിയെ...


ആദ്യകരച്ചില്‍ ഒരല്‌പം വൈകിയാല്‍ , ആവശ്യത്തിനു പാല്‍ കുടിക്കാതെ വന്നാല്‍, കമിഴാന്‍ വൈകിയാല്‍, മുട്ടിലിഴിഞ്ഞു നടക്കാതിരുന്നാല്‍.. ഇങ്ങനെ ആശങ്കകളുടെ ഒരു പര്‍വ്വതം തന്നെ അമ്മമാരുടെ മനസ്സിലുണ്ടാകും. കുഞ്ഞിന്റെ തൂക്കം, പൊക്കം, വളര്‍ച്ച, മാറ്റങ്ങള്‍, ഇവയൊക്കെ മനസ്സിലാക്കാം..

ഏതൊരു സ്‌ത്രീയുടെയും ലോകം മാറിമറിയുന്നത്‌ കണ്‍മണിയുടെ വരവോടെയാണ്‌. അന്നു വരെ കാണാത്ത കാഴ്‌ചകള്‍, ശ്രദ്ധിക്കാത്ത ശബ്‌ദങ്ങള്‍...എന്നു വേണ്ട ചുറ്റുമുള്ള ലോകം അമ്മയ്‌ക്കും കുഞ്ഞിനും ഒരുപോലെ പുതുതാണ്‌.

കുഞ്ഞു മിഴി ചിമ്മുന്നതും പാല്‍ കുടിക്കുന്നതും ഓരോ ദിവസങ്ങളിലും കുഞ്ഞ്‌ വളരുന്നതും, മാറ്റം വരുന്നതും ആകാംക്ഷയോടെ നോക്കിയിരിക്കാത്ത അമ്മമാര്‍ ഉണ്ടാവില്ല. ആകാംക്ഷയുണ്ടെങ്കില്‍ തീര്‍ച്ചയായും അവിടെ ആശങ്കയുണ്ടാകുമെന്നത്‌ ലോകസഹജം.
ആദ്യകരച്ചില്‍ ഒരല്‌പം വൈകിയാല്‍, ആവശ്യത്തിനു പാല്‍ കുടിക്കാതെ വന്നാല്‍, കമിഴാന്‍ വൈകിയാല്‍, മുട്ടിലിഴഞ്ഞു നടക്കാതിരുന്നാല്‍... ഇങ്ങനെ ആശങ്കകളുടെ ഒരു പര്‍വ്വതം തന്നെ അമ്മമാരുടെ മനസ്സിലുണ്ടാകും.
അതിന്റെയൊപ്പം ബന്ധുമിത്രാധികളില്‍ ആരെങ്കിലുമൊരു 'കമന്റ്‌' കൂടി പറഞ്ഞാല്‍ പിന്നെ അമ്മയുടെ മനസ്സ്‌ തീച്ചുളയില്‍ ഉരുകും. തെറ്റായ ഉപദേശങ്ങള്‍ക്കും നിര്‍ദ്ദേശങ്ങള്‍ക്കും ചെവി കൊടുത്ത്‌ ആശങ്കപ്പെടുന്നതിലും മെച്ചം ഇതൊക്കെ മുന്‍കൂട്ടി അറിഞ്ഞു വയ്‌ക്കുന്നതല്ലേ... കുഞ്ഞിന്റെ തൂക്കം, പൊക്കം, വളര്‍ച്ച, മാറ്റങ്ങള്‍, പ്രത്യേകം ശ്രദ്ധിക്കേണ്ടവ ഇവയൊക്കെ മനസ്സിലാക്കാം..

കുഞ്ഞുമാറ്റങ്ങള്‍

1. മൂന്നാഴ്‌ച പ്രായമാകുമ്പോള്‍ തന്നെ നോക്കി സംസാരിക്കുന്ന അമ്മയെ കുഞ്ഞ്‌ ശ്രദ്ധിച്ചു തുടങ്ങും.
2. ഒരു മാസത്തിനും ഒന്നരമാസത്തിനും ഇടയില്‍ അമ്മയെ നോക്കി ചിരിക്കും.
3. രണ്ടു മാസത്തോടെ കുഞ്ഞിന്റെ തൊട്ടടുത്തു കാട്ടുന്ന നിറമുള്ള വസ്‌തുക്കളെ മാറിമാറി നോക്കും.
4. മൂന്നു മാസമാകുന്നതോടെ അമ്മയെ തിരിച്ചറിയുകയും, ചിരിക്കുകയും ശബ്‌ദമുണ്ടാക്കുകയും ചെയ്യും.
5. ആറാം മാസത്തില്‍ കൈതാങ്ങി നിലത്തിരിക്കും
6. ഏഴാം മാസത്തില്‍ സഹായമില്ലാതെ ഇരിക്കും.
7. എട്ടാം മാസത്തോടെ ഇഴയാന്‍ ആരംഭിക്കും.
8. ഒന്‍പതാം മാസമാകുമ്പോള്‍ എഴുന്നേല്‍ക്കാന്‍ ശ്രമിക്കും.
9. പത്താം മാസത്തില്‍ പിടിച്ചെഴുന്നേല്‍ക്കാന്‍ ശ്രമിക്കും.
10. ഒരു വയസാകുമ്പോള്‍ സഹായമില്ലാതെ അല്‌പനേരം എഴുന്നേറ്റ്‌ നില്‍ക്കാനാകും.
11. പതിനൊന്നു മാസത്തിനും പതിനഞ്ചുമാസത്തിനും ഇടയില്‍ പരസഹായമില്ലാതെ നടക്കാന്‍ പഠിക്കും.
12. പതിനഞ്ചുമാസം കഴിയുമ്പോള്‍ കുട്ടി കോണിപ്പടികള്‍ ഇഴഞ്ഞ്‌ കയറാന്‍ ശ്രമിക്കും.
13. ഒന്നരവയസില്‍ ചായപ്പെന്‍സില്‍കൊണ്ട്‌ കുത്തിക്കുറിക്കും.
14. രണ്ടു വയസില്‍ നെടുകെയും കുറുകെയുമുള്ള വരയിടാനാവും. മൂന്നുവയസില്‍ വൃത്തം വരയ്‌ക്കാന്‍ തുടങ്ങും.
15. മൂന്നു വയസിനും നാലു വയസിനുമിടയില്‍ ഒരാളുടെ തലയും കൈകാലുകളും വരയ്‌ക്കാനാകും.
ഈ പറഞ്ഞതിലെല്ലാം ചെറിയ വ്യത്യാസം മുമ്പോട്ടോ പുറകോട്ടോ ഉണ്ടാവാം. എന്നാല്‍ ഒന്നരവയസായിട്ടും നടക്കാത്ത കുട്ടിയെ ഡോക്‌ടറെ കാണിച്ച്‌ പരിശോധിപ്പിക്കണം.

ഒന്നു മുതല്‍ മൂന്നു മാസം വരെ പ്രായമായ കുഞ്ഞ്‌
ഓരോ മാസവും 700 ഗ്രാം മുതല്‍ 900 ഗ്രാം വരെ തൂക്കം വര്‍ധിക്കും. നാല്‌ മാസം പൂര്‍ത്തിയാകുമ്പോഴേക്കും കൈകുത്തി തലയുയര്‍ത്താനാകും. ഇതോടെ കഴുത്തിന്റെ ബലം വര്‍ധിച്ചുതുടങ്ങും. കൈവിരലുകള്‍ മടക്കുകയും നിവര്‍ത്തുകയും ചെയ്യും. കൈ വായിലേക്ക്‌ കൊണ്ടുവരും.

ചെറിയ സാധനങ്ങള്‍ കൈയില്‍ പിടിക്കും. അടുത്തുനില്‍ക്കുന്നവരുടെ മുഖത്തുനോക്കും. ചലിക്കുന്ന വസ്‌തുക്കളെ മാറി മാറി നോക്കും. ശബ്‌ദം കേള്‍ക്കുന്നിടത്തേക്ക്‌ തലതിരിച്ചു നോക്കും. മറ്റുള്ളവരെ നോക്കി ചിരിക്കും. കളിയും കളിപ്പിക്കലും ഇഷ്‌ടപ്പെടും.

നാലു മുതല്‍ ഏഴുമാസം വരെ

വശങ്ങളിലേക്ക്‌ ഉരുണ്ടുമറിയുന്നു. ആദ്യം പിടിച്ചും പിന്നീട്‌ പിടിക്കാതെയും ഇരിക്കുന്നു. തുടര്‍ന്ന്‌ കാലില്‍ ശരീരത്തിന്റെ ബലം കൊടുക്കുന്നു. ഒരു കൈയില്‍നിന്ന്‌ അടുത്ത കൈയിലേക്ക്‌ സാധനങ്ങള്‍ മാറ്റുന്നു. പേരു വിളിക്കുമ്പോള്‍ ശ്രദ്ധിക്കുന്നു.
വേണ്ടെന്ന്‌ തലകൊണ്ട്‌ ആംഗ്യം കാണിക്കുന്നു. ശബ്‌ദം കേട്ട്‌ തിരിച്ച്‌ ശബ്‌ദമുണ്ടാക്കുന്നു. സന്തോഷവും വിഷമവും ശബ്‌ദംകൊണ്ട്‌ അറിയിക്കുന്നു. അടുത്തുള്ളവരുമായി കളിക്കുവാന്‍ ഇഷ്‌ടപ്പെടുന്നു. കണ്ണാടിയിലെ പ്രതിരൂപം ഇഷ്‌ടപ്പെടുന്നു.
എട്ടു മുതല്‍ 12 മാസം വരെ
പേരു വിളിക്കുമ്പോള്‍ സഹായമില്ലാതെ എഴുന്നേറ്റിരിക്കുന്നു. വയര്‍ നിലത്തുറപ്പിച്ചിഴയുന്നു. കൈയും കാല്‍മുട്ടും കുത്തി ഇഴയുന്നു. മെല്ലെ പിടിച്ചെഴുന്നേറ്റു നില്‍ക്കുന്നു. അല്‌പനേരം പിടിക്കാതെ നില്‍ക്കുന്നു. രണ്ടുമൂന്നു ചുവട്‌തനിയെ നടക്കുന്നു. സംസാരിക്കാന്‍ ശ്രമിക്കുന്നു.
അമ്മ, അച്‌ഛ പറയുന്നു, വാക്കുകള്‍ കേട്ട്‌ ഉച്ചരിക്കുന്നു. കൈയിലുള്ളവ കുലുക്കുകയും നിലത്തെറിയുകയും ചെയ്യുന്നു. ആംഗ്യങ്ങള്‍ അനുകരിക്കുന്നു.
പാലോ വെള്ളമോ ഗ്ലാസില്‍നിന്നും കുടിക്കാന്‍ ശീലിക്കുന്നു. തലചീകുന്നു. ഫോണ്‍ ഡയല്‍ ചെയ്യുന്നു. അപരിചിതരുടെ മുമ്പില്‍ വിതരണവും ഉത്‌കണ്‌ഠയും പ്രകടിപ്പിക്കുന്നു.
അച്‌ഛനോ അമ്മയോ വിട്ടുപോകുമ്പോള്‍ കരയുന്നു. മറ്റുള്ളവരെ അനുകരിക്കുന്നു. പേടിച്ച്‌ കരയുന്നു. വിരലുകള്‍കൊണ്ട്‌ ആഹാരമെടുത്ത്‌ കഴിക്കുന്നു. വസ്‌ത്രങ്ങളിടാന്‍ സ്വയം സഹായിക്കുന്നു.

കുട്ടികള്‍ക്കുള്ള പ്രതിരോധ കുത്തിവയ്‌പുകള്‍

അപകടകാരികളായ മിക്ക രോഗങ്ങളും കുട്ടികള്‍ക്ക്‌ വരാതിരിക്കാന്‍ കൃത്യസമയത്തുള്ള പ്രതിരോധ കുത്തിവയ്‌പുകള്‍ സഹായിക്കും. അച്‌ഛനമ്മമാര്‍ ഇത്‌ കുഞ്ഞുങ്ങള്‍ക്ക്‌ യഥാവിധി നല്‍കുന്നതില്‍ യാതൊരു ഉപേക്ഷയും വരുത്തരുത്‌.
നിശ്‌ചയിച്ചിട്ടുള്ള സമയത്തുതന്നെ അവ നല്‍കിയിരിക്കണം. ഇതിനെക്കുറിച്ച്‌ എന്തെങ്കിലും സംശയമുണ്ടെങ്കില്‍ ഡോക്‌ടറോട്‌ ചോദിച്ച്‌ മനസിലാക്കി പ്രവര്‍ത്തിക്കണം.

വാക്‌സിനുകള്‍

1. ബി.സി.ജി.
ഇന്ത്യയിലിന്നും അസംഖ്യം ജനങ്ങളുടെ ജീവന്‍ അപഹരിക്കുന്ന രോഗമാണ്‌ ക്ഷയം. ക്ഷയരോഗത്തിനെതിരെയുള്ള പ്രതിരോധ വാക്‌സിനാണ്‌ ബി.സി.ജി. ആദ്യം തന്നെ ഇടത്തെ കൈയുടെ മുകളില്‍ ഒറ്റപ്രാവശ്യം ചെയ്യുന്ന വാക്‌സിനാണിത്‌. കുത്തിവയ്‌പിനെ തുടര്‍ന്ന്‌ പനിയോ വേദനയോ ഒന്നും ഉണ്ടാകാറില്ല.
ഒന്നരമാസത്തിനുള്ളില്‍ മരുന്ന്‌ കുത്തിയ ഭാഗത്ത്‌ ചെറിയ തടിപ്പ്‌ പൊന്തിനില്‍ക്കും.ഏകദേശം മൂന്നുനാല്‌ മാസം കഴിയുമ്പോള്‍ തൊലിയിലെ ഈ ചെറിയ തടിപ്പ്‌ മാഞ്ഞ്‌ പോകാം. കുത്തിവയ്‌പ് കഴിഞ്ഞ്‌ രണ്ട്‌ മാസമായിട്ടും കുത്തിവച്ച ഭാഗത്ത്‌ തടിപ്പോ വീക്കമോ ഉണ്ടാകുന്നില്ലെങ്കില്‍ വിവരം ഡോക്‌ടറോട്‌ പറയണം.
കുത്തിവയ്‌പ് വിജയപ്രദമാണോ എന്ന്‌ ഡോക്‌ടര്‍ വിലയിരുത്തേണ്ടിവരും. ചില കുട്ടികള്‍ക്ക്‌ ഇടത്തേ കക്ഷത്തോ കഴുത്തിലോ ഗ്രന്ഥിവീക്കം ഉണ്ടാകാം. ഇതിന്‌ ആഴ്‌ചകളോളം ചികിത്സ വേണ്ടിവരും.
2. ഡി.പി.റ്റി (ട്രിപ്പിള്‍ ആന്റിജന്‍)
ഡിഫ്‌ത്തീരിയ, വില്ലന്‍ചുമ, കുതിരസന്നി എന്നീ മാരകരോഗങ്ങളെ ചെറുക്കാനാണ്‌ ട്രിപ്പിള്‍ ആന്റിജന്‍ എടുക്കുന്നത്‌. കുത്തിവയ്‌പ് കഴിഞ്ഞ്‌ പനി, കുത്തിവച്ച ഭാഗത്ത്‌ വേദന, നീര്‌, അസ്വസ്‌ഥത ഇവയൊക്കെയുണ്ടാകാം. ഇതൊക്കെ ഒന്നോ രണ്ടോ ദിവസത്തിനുള്ളില്‍ മാറിപ്പോകും.
പനിയോ വേദനയോ ഉണ്ടെങ്കില്‍ പാരാസെറ്റാമോള്‍ സിറപ്പ്‌ കൊടുത്താല്‍ മതി. എന്നാല്‍ കുത്തിവച്ച സ്‌ഥാനത്ത്‌ മൂന്നോ നാലോ ദിവസം കഴിഞ്ഞിട്ടും വേദനയോ ചുവപ്പോ ഉണ്ടെങ്കില്‍ ഡോക്‌ടറെ കാണിക്കണം.
3. പോളിയോ വാക്‌സിന്‍
പോളിയോമൈലൈറ്റിസ്‌ എന്ന രോഗം വരാതിരിക്കാനാണിത്‌ നല്‍കുന്നത്‌. ഇത്‌ തുള്ളിമരുന്നായി വായിലൊഴിച്ചാണ്‌ കൊടുക്കുന്നത്‌. പനിയോ വയറിളക്കമോ മറ്റ്‌ പാര്‍ശ്വഫലങ്ങളോ ഒന്നുമില്ല. അഞ്ച്‌ ഡോസുകളായാണ്‌ ഇത്‌ നല്‍കുന്നത്‌.

4 മീസില്‍സ്‌ വാക്‌സിന്‍
മണ്ണന്‍പനി വരാതിരിക്കാനാണ്‌ ഇതെടുക്കുന്നത്‌. കടുത്ത മണ്ണന്‍പനി ഉണ്ടാകുന്ന കുട്ടികള്‍ക്ക്‌ ന്യുമോണിയ, ഹൃദ്രോഗം, മെനിഞ്ചൈറ്റിസ്‌ എന്നീ ഗുരുതരമായ രോഗാവസ്‌ഥകള്‍ ചിലപ്പോഴെങ്കിലുമുണ്ടാകാം.
ആറ്‌ മാസത്തിനും ഒന്‍പത്‌ മാസത്തിനും ഇടയ്‌ക്കാണിത്‌ നല്‍കേണ്ടത്‌. തുടര്‍ന്ന്‌ നല്‍കുന്ന എം.എം.ആര്‍. വാക്‌സിനും ഈ രോഗം പ്രതിരോധിക്കും. മീസില്‍സ്‌ വാക്‌സിന്‌ റിയാക്ഷനോ പനിയോ പതിവില്ല.
5. എം.എം.ആര്‍. വാക്‌സിന്‍
മണ്ണന്‍പനി, മുണ്ടിനീര്‌, ജര്‍മന്‍ മീസില്‍സ്‌ (റൂബല്ല) എന്നീ രോഗങ്ങള്‍ക്കെത്തിരെയുള്ള വാക്‌സിനാണിത്‌. ജര്‍മന്‍ മീസില്‍സിനെതിരെയുള്ള പ്രതിരോധ കുത്തിവയ്‌പുകള്‍ പെണ്‍കുട്ടികള്‍ക്ക്‌ വളരെ പ്രധാനമാണ്‌.
ഗര്‍ഭാവസ്‌ഥയില്‍ ആദ്യത്തെ നാല്‌ മാസത്തിനുള്ളില്‍ ജര്‍മന്‍ മീസില്‍സ്‌ വന്നാല്‍ ഗര്‍ഭശിശുവിന്റെ ഹൃദയം, തലച്ചോറ്‌, കണ്ണുകള്‍, മറ്റവയവങ്ങള്‍ എന്നിവയ്‌ക്ക് ജന്മനായുള്ള വൈകല്യങ്ങള്‍ സംഭവിക്കാം.
6. ഹിബ്‌ വാക്‌സിന്‍
ഹീമോഫിലസ്‌ ഇന്‍ഫ്‌ളുവന്‍സ ടൈപ്പ്‌ ബി എന്ന രോഗാണുമൂലമുണ്ടാകുന്ന ഏറെ ഗുരുതരമായ ന്യുമോണിയ, മെനിഞ്ചൈറ്റിസ്‌ ഇവ വരാതിരിക്കാനാണ്‌ ഹിബ്‌ വാക്‌സിനെടുക്കുന്നത്‌. അഞ്ചുവയസില്‍ താഴെയുള്ള കുട്ടികള്‍ക്ക്‌ വരാവുന്ന ഏറ്റവും മാരകമായ രോഗബാധയാണിത്‌.
ഹിബ്‌ വാക്‌സിന്‍ കുത്തിവയ്‌പിലൂടെ ഈ രോഗത്തെ പ്രതിരോധിക്കാം. ഒരു മാസം ഇടവിട്ട്‌ മൂന്ന്‌ ഡോസുകളിലാണിത്‌ നല്‍കുന്നത്‌. ട്രിപ്പിള്‍ ആന്റിജനോടൊപ്പം ഇത്‌ നല്‍കാം.
7. ഹെപ്പറ്റൈറ്റിസ്‌- ബി വാക്‌സിന്‍
ഹെപ്പറ്റൈറ്റിസ്‌ -ബി വൈറസ്‌ ഉണ്ടാക്കുന്ന മഞ്ഞപ്പിത്തം തടയാനാണ്‌ ഈ വാക്‌സിനെടുക്കുന്നത്‌. ജനനം കഴിഞ്ഞ്‌ അധികം താമസിയാതെ ബി.സി.ജി.യോടും പോളിയോയോടും ഒപ്പം ആദ്യഡോസ്‌ നല്‍കണം. ഒരു മാസം കഴിഞ്ഞ്‌ രണ്ടാമത്തെ ഡോസും ആറാം മാസത്തില്‍ മൂന്നാം ഡോസും നല്‍കണം.
ജനിച്ചയുടന്‍ ഹെപ്പറ്റൈറ്റിസ്‌ -ബി വാക്‌സിന്‍ എടുക്കാന്‍ കഴിയാതിരുന്ന കുട്ടികള്‍ക്ക്‌ ആദ്യ ഡോസ്‌ നല്‍കി ഒരു മാസം കഴിഞ്ഞ്‌ രണ്ടാമത്തെ ഡോസും ആദ്യ ഡോസ്‌ കഴിഞ്ഞ്‌ ആറാം മാസത്തില്‍ മൂന്നാം ഡോസും നല്‍കാം. ഗര്‍ഭകാലത്തെ രക്‌തപരിശോധനയില്‍ ഹെപ്പറ്റൈറ്റിസ്‌ -ബി ആണെന്ന്‌ കണ്ടാല്‍ ശിശു ജനിച്ച്‌ 12 മണിക്കൂറിനുള്ളില്‍ വാക്‌സിന്‍ നല്‍കണം.
ഇത്തരം ശിശുക്കള്‍ക്ക്‌ ഹെപ്പറ്റൈറ്റിസ്‌- ബി വാക്‌സിന്‍ നല്‍കുന്നതോടൊപ്പം ശരീരത്തിന്റെ മറ്റൊരുഭാഗത്ത്‌ ഹെപ്പറ്റൈറ്റിസ്‌ -ബി ഇമ്യൂണോഗ്ലോബുലിന്‍ എന്ന മരുന്നും കുത്തിവയ്‌ക്കണം. ഇവരിലും ഹെപ്പറ്റൈറ്റിസ്‌-ബി വാക്‌സിന്‍ രണ്ടാമത്തെ ഡോസ്‌ ഒരു മാസം കഴിഞ്ഞും മൂന്നാമത്തെ ഡോസ്‌ ആദ്യഡോസ്‌ കഴിഞ്ഞ്‌ ആറാംമാസത്തിലും നല്‍കണം.
8. ചിക്കന്‍ പോക്‌സ് വാക്‌സിന്‍
ഒരു വയസിനു മുകളില്‍ പ്രായമുള്ള കുട്ടികള്‍ക്ക്‌ ചിക്കന്‍പോക്‌സ് വരാതിരിക്കാന്‍ പതിനഞ്ചാം മാസത്തില്‍ നല്‍കുന്ന എം.എം.ആര്‍. മീസില്‍സ്‌, മംപ്‌സ്, റൂബെല്ലാ (അഞ്ചാംപനി, ജര്‍മന്‍പനി) വാക്‌സിനോടൊപ്പം ചിക്കന്‍പോക്‌സ് വാക്‌സിനും നല്‌കാവുന്നതാണ്‌.
9. ടൈഫോയിഡ്‌ വാക്‌സിന്‍
രണ്ടു മുതല്‍ മൂന്നുവയസുവരെ പ്രായമുള്ള കുട്ടികള്‍ക്ക്‌ ടൈഫോയിഡിനെതിരെ നല്‍കുന്ന ഒറ്റ ഡോസ്‌ വാക്‌സിനാണ്‌ ടൈഫോയിഡ്‌ വാക്‌സിന്‍. ഒരു ഡോസിന്‌ മൂന്നു വര്‍ഷത്തേക്കുള്ള പ്രതിരോധശക്‌തിയുണ്ട്‌.
പ്രതിരോധ കുത്തിവയ്‌പ് മറന്നാല്‍
താമസിച്ചുപോയതുകൊണ്ട്‌ കുത്തിവയ്‌പ് എടുക്കാതിരിക്കുന്നത്‌ അബദ്ധമാണ്‌. എത്രയും വേഗം ഡോക്‌ടറെ കണ്ട്‌ നിര്‍ദ്ദേശിക്കുന്ന രീതിയില്‍ കുത്തിവയ്‌പുകള്‍ എടുക്കണം. പ്രതിരോധ കുത്തിവയ്‌പിന്റെ ഒരു ഡോസെടുക്കാന്‍ വിട്ടുപോയാല്‍ കുത്തിവയ്‌പ് ആദ്യം മുതല്‍ വീണ്ടും തുടങ്ങേണ്ടതില്ല. ബാക്കിയുള്ള ഡോസുകള്‍ വൈകാതെ എടുത്താല്‍ മതി.
മുകളില്‍ പറഞ്ഞ വാക്‌സിനുകള്‍തന്നെ നാലോ അഞ്ചോ വാക്‌സിനുകള്‍ വീതം കൂടുതല്‍ സൗകര്യപ്രദമായി കുത്തിവയ്‌പുകളുടെ എണ്ണം കുറച്ച്‌ നല്‍കാവുന്ന രീതിയില്‍ ഇപ്പോള്‍ ലഭ്യമായി തുടങ്ങിയിട്ടുണ്ട്‌.

വളര്‍ച്ചയുടെ നാഴികക്കല്ലുകള്‍

1. 6-8 ആഴ്‌ച തിരിച്ചറിഞ്ഞു ചിരിക്കുന്നു
2. 12-6 ആഴ്‌ച കഴുത്ത്‌ ഉറയ്‌ക്കുന്നു.
3. 4-ാം മാസം കമിഴ്‌ന്നു വീഴുന്നു
4. 5-6 മാസം മടിയില്‍ സഹായത്തോടെ ഇരിക്കുന്നു, കൊടുക്കുന്ന വസ്‌തുക്കള്‍ പിടിക്കുന്നു
5. 6 -ാം മാസംകസേരയില്‍ ചാരി ഇരിക്കുന്നു, ആടുന്ന വസ്‌തുക്കള്‍ പിടിച്ചെടുക്കുന്നു
6. 7 -8 മാസം സഹായമില്ലാതെ ഇരിക്കുന്നു
7. 10-ാം മാസംമുട്ടുകുത്തി ഇഴയുന്നു
8. 11-ാം മാസം പിടിച്ചുനില്‍ക്കുന്നു
9. 12-ാം മാസം സഹായമില്ലാതെ നടന്നു തുടങ്ങുന്നു
10. 12-14 മാസംസഹായമില്ലാതെ ഓടിനടക്കുന്നു
11. 2 വയസ്‌ കോണിപ്പടി കയറുന്നു. രണ്ടുകാലും ഒരു പടിയില്‍ വച്ച്‌ വച്ച്‌ കോണിപ്പടി കയറുന്നു
12. 3 വയസ്‌ ഒരു കാല്‍ ഒരു പടിയില്‍വച്ച്‌ കോണിപ്പടി കയറുന്നു. തനിയെ വസ്‌ത്രം ഇടാനും അഴിക്കാനും പഠിക്കുന്നു.
ആരോഗ്യമുള്ള കുട്ടികളുടെ തൂക്കവും ഉയരവും
പെണ്‍കുട്ടികള്‍ക്ക്‌ ആണ്‍കുട്ടികളേക്കാള്‍ താരതമ്യേന തൂക്കവും ഉയരവും അല്‍പം കുറവായിരിക്കും.

പ്രായം------------------തൂക്കം-----------------------------------------ഉയരം
ജനിക്കുമ്പോള്‍---------2 1/2 മുതല്‍ 3 1/2 കി.ഗ്രാം വരെ
മൂന്നാം മാസം --------5 1/3 കി.ഗ്രാം---------------------------- 59 സെ.മീ
ആറാം മാസം -----------7 ---------------------------------------- 65 സെ.മീ
ഒന്‍പതാം മാസം ------ 8 ---------------------------------------- 69സെ.മീ
ഒരു വയസ്‌ ------------- 9 ---------------------------------------- 74സെ.മീ
രണ്ടു വയസ്‌ -------------- 11 --------------------------------------- 84 സെ.മീ
മൂന്നു വയസ്‌ ---------------- 12 ------------------------------------- 90 സെ.മീ
നാലു വയസ്‌ -------------- 14 ------------------------------------- 96 സെ.മീ
അഞ്ചു വയസ്‌ ----------------17 ------------------------------------ 104 സെ.മീ
ആറു വയസ്‌ ------------------ 19 ----------------------------------- 114 സെ.മീ
ഏഴു വയസ്‌, ------------------ 21 ------------------------------------ 119 സെ.മീ
എട്ടു വയസ്‌ -------------------- 23 ----------------------------------- 124 സെ.മീ
ഒന്‍പതു വയസ്‌ --------------- 25 ----------------------------------- 130 സെ.മീ
പത്തു വയസ്‌ ------------------- 27 ----------------------------------- 137 സെ.മീ

പ്രത്യേകം ശ്രദ്ധിക്കുക

1. ഒന്നര രണ്ട്‌ മാസം പ്രായമുള്ളപ്പോള്‍ ശബ്‌ദം കേള്‍പ്പിക്കുന്നിടത്തേക്ക്‌ കുഞ്ഞ്‌ മുഖം തിരിച്ച്‌ നോക്കാതിരിക്കുന്നത്‌.
2. മൂന്ന്‌, നാല്‌ മാസമായിട്ടും ആളെ കണ്ടാലും കളിപ്പാട്ടം കണ്ടാലും പ്രത്യേകം ശ്രദ്ധിക്കുന്നില്ലെങ്കില്‍.
3. നാലഞ്ച്‌ മാസമായിട്ടും അമ്മ മടിയിലിരുത്തുമ്പോള്‍ തല നിവര്‍ത്തിപ്പിടിക്കുന്നില്ലെങ്കില്‍.
4. ഒന്‍പതാം മാസമായിട്ടും പരസഹായമില്ലാതെ ഇരിക്കാന്‍ കഴിയുന്നില്ലെങ്കില്‍.
5. പത്ത്‌ മാസമായിട്ടും ആവര്‍ത്തിച്ച്‌ ശബ്‌ദമുണ്ടാക്കാന്‍ കഴിയുന്നില്ലെങ്കില്‍.
6. ഒന്നര വയസായിട്ടും തനിയെ നടക്കാന്‍ കഴിയുന്നില്ലെങ്കില്‍.
7. ഒന്നേമുക്കാല്‍ വയസായിട്ടും ഒരു വാക്കുപോലും സംസാരിക്കുന്നില്ലെങ്കില്‍.
8. രണ്ടേകാല്‍ വയസായിട്ടും രണ്ടുമൂന്ന്‌ വാക്കുചേര്‍ത്ത്‌ സംസാരിക്കാനായില്ലെങ്കില്‍.
9. നാല്‌ വയസായിട്ടും വ്യക്‌തമായി മനസിലാകുന്ന രീതിയില്‍ സംസാരിക്കുന്നില്ലെങ്കില്‍.

മേല്‍ സൂചിപ്പിച്ചതുപോലെയുള്ള പോരായ്‌മകള്‍ ഉള്ളപ്പോള്‍ കുഞ്ഞിനെ ആറാമത്തെ ആഴ്‌ചയിലും ആറാമത്തെ മാസത്തിലും പത്താമത്തെ മാസത്തിലും ഒന്നരവയസിലും മൂന്നുവയസിലും ഒരു വിദഗ്‌ദ്ധ ചികിത്സകനെക്കൊണ്ട്‌ പരിശോധിപ്പിക്കണം.

കുത്തിവയ്‌ക്കേണ്ടപ്പോള്‍ കുഞ്ഞിന്‌ അസുഖമായാല്‍

കടുത്ത പനിയോ വലിയ അസ്വാസ്‌ഥ്യമോ ആണെങ്കില്‍ മാത്രമേ കുഞ്ഞിന്റെ പ്രതിരോധകുത്തിവയ്‌പ് മാറ്റിവയ്‌ക്കാവൂ. ചെറിയ ജലദോഷം, മൂക്കൊലിപ്പ്‌, ചുമ, തൊലിപ്പുറത്ത്‌ ചുവപ്പ്‌, തടിപ്പ്‌, മറ്റ്‌ ചെറിയ അസുഖങ്ങള്‍ ഇവയൊന്നും കുത്തിവയ്‌പ് മാറ്റിവയ്‌ക്കാനുള്ള കാരണങ്ങളല്ല.
വലിയ പനിയോ വയറിളക്കമോ ഛര്‍ദ്ദിയോ മറ്റ്‌ കാര്യമായ അസുഖങ്ങളോ ഉണ്ടെങ്കില്‍ ഡോക്‌ടറെ കണ്ട്‌ ചികിത്സിച്ച്‌ ഭേദമാക്കിയശേഷം എളുപ്പം കുത്തിവയ്‌പെടുക്കണം.
ടൈഫോയിഡ്‌ വാക്‌സിന്‍ കാപ്‌സ്യൂളായി
ക്യാപ്‌സ്യൂള്‍ രൂപത്തിലുള്ള ടൈഫോയ്‌ഡ് വാക്‌സിനും ലഭ്യമാണ്‌. ആറ്‌ വയസ്‌ കഴിഞ്ഞ കുട്ടികള്‍ക്ക്‌ ഒന്നിടവിട്ടുള്ള ദിവസങ്ങളില്‍ മൂന്ന്‌ ക്യാപ്‌സ്യൂളുകളായി നല്‍കിയാല്‍ മതിയാകും. രണ്ടോ മൂന്നോ വര്‍ഷം കഴിഞ്ഞ്‌ ഇത്‌ വീണ്ടും ആവര്‍ത്തിക്കണം.
Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Fri Jun 19, 2015 11:00 am

പുഞ്ചിരി തൂകും പാല്‍പ്പല്ലുകള്‍ക്കായ്‌...

കുഞ്ഞുപ്പല്ലുകള്‍ മുളയ്‌ക്കുന്നത്‌ കാണുമ്പോഴത്തെ അമ്മമാരുടെ സന്തോഷം പറഞ്ഞറിയിക്കാന്‍ കഴിയാത്തതു തന്നെ. ആരും കണ്ടാല്‍ കൊതിക്കുന്ന കുഞ്ഞുപല്ലുകള്‍ നിങ്ങളുടെ കുഞ്ഞിനും കൊതിക്കുന്നില്ലെ...
സാധാരണയായി കുഞ്ഞുങ്ങളി ല്‍ ആറു മാസം പ്രായമാകുമ്പോള്‍ പല്ലു മുളയ്‌ക്കാന്‍ തുടങ്ങും. ചില കുഞ്ഞുങ്ങളില്‍ ജനിക്കുമ്പോള്‍ തന്നെ പല്ലുകള്‍ കണ്ടുവരാറുണ്ട്‌. ഇതിനെ 'നേറ്റല്‍ പല്ലുകള്‍' എന്നു വിളിക്കുന്നു. എന്നാല്‍, മറ്റുചില കുഞ്ഞുങ്ങളില്‍ ജനിച്ച്‌ 30 ദിവസത്തിനകം പല്ലുകള്‍ മുളച്ചുവരും. ഇവ നിയോനേറ്റല്‍ പല്ലുകള്‍ എന്നറിയപ്പെടുന്നു.
ചില കുട്ടികളില്‍ ആറു മാസത്തിനുമുമ്പ്‌ പല്ലു മുളച്ചുതുടങ്ങുന്നു. എന്നാല്‍, ചില കുട്ടികളില്‍ എട്ടോ ഒമ്പതോ പത്തോ മാസങ്ങള്‍ കഴിഞ്ഞിട്ടേ പല്ലുകള്‍ മുളയ്‌ക്കാന്‍ തുടങ്ങുകയുള്ളൂ. ഇത്‌ അത്ര ഗൗരവമായി കണക്കാക്കേണ്ടതില്ല.
ജനിക്കുമ്പോള്‍തന്നെ മുളച്ച പല്ലുകള്‍ ഉള്ള കുട്ടികളെ മുലയൂട്ടുമ്പോള്‍ അമ്മമാര്‍ക്ക്‌ പ്രയാസം ഉണ്ടാകാറുണ്ട്‌. അതേസമയം പൂര്‍ണമായി രൂപം പ്രാപിക്കാത്ത ഇത്തരം പല്ലുകള്‍ കുഞ്ഞുങ്ങളുടെ നാക്കിനടിയില്‍ വ്രണങ്ങള്‍ ഉണ്ടാക്കുന്നതിനു ഹേതുവാകാറുണ്ട്‌. ഇത്തരം തടസങ്ങള്‍ ഉണ്ടാകുമ്പോള്‍ ഈ പല്ലുകള്‍ എടുത്തുകളയുകയാണ്‌ ഉത്തമം. ഇതിനായി ശിശുദന്തചികിത്സാവിദഗ്‌ദ്ധനെത്തന്നെ കാണണം.
ആദ്യമായി പല്ലു മുളയ്‌ക്കുമ്പോള്‍ മോണയ്‌ക്ക് ചുവപ്പ്‌, തടിപ്പ്‌, പനി, വയറിളക്കം, വായില്‍നിന്ന്‌ ഉമിനീര്‍സ്രവം എന്നിവ ഉണ്ടാകാറുണ്ട്‌. കുട്ടികളില്‍ ഇതോടൊപ്പം അസ്വസ്‌ഥത, വിശപ്പില്ലായ്‌മ, കരച്ചില്‍ മുതലായ ലക്ഷണങ്ങളും കണ്ടുവരാറുണ്ട്‌. ഇതിനെ റ്റീത്തിങ്‌ സിക്‌നസ്‌ എന്നു പറയുന്നു.
ഈ അവസ്‌ഥകളെ നിയന്ത്രിക്കുന്നതിന്‌ പല മാര്‍ഗങ്ങളുണ്ട്‌. കടിക്കാന്‍ പറ്റുന്ന കളിപ്പാട്ടങ്ങള്‍ (റ്റീത്തിങ്‌ റിങ്ങുകള്‍, താക്കോല്‍, കിലുക്കാംപെട്ടി) കടിക്കുന്നതുവഴി അസ്വസ്‌ഥത കുറയ്‌ക്കാം.
പക്ഷേ, ഇത്തരം കളിപ്പാട്ടങ്ങള്‍ ശുചിത്വമുള്ളതും സുരക്ഷിതവും രാസവസ്‌തുക്കള്‍ അടങ്ങിയിട്ടില്ലാത്തതും വലുപ്പത്തില്‍ ചെറുതല്ലാത്തതും ഭാഗങ്ങള്‍ ഇളകിവരാത്തവയുമായിരിക്കണം. ചെറിയ കളിപ്പാട്ടങ്ങള്‍ കൊടുത്താല്‍ കടിക്കുന്ന കൂട്ടത്തില്‍ വിഴുങ്ങാനും ശ്വാസതടസം ഉണ്ടാകാനും കാരണമാകും എന്നത്‌ പ്രത്യേകം ശ്രദ്ധിക്കുക.
കടിക്കാന്‍ പറ്റുന്ന ആഹാരങ്ങള്‍, അധികം പഞ്ചസാരയോ മധുരമോ ഇല്ലാത്ത കട്ടിയുള്ള റെസ്‌ക്, ബിസ്‌കറ്റ്‌ എന്നിവ ഈ അവസരത്തില്‍ കടിച്ചുതിന്നാന്‍ കൊടുക്കാവുന്നതാണ്‌. വേദന ശമിപ്പിക്കുന്നതിനായി അനസ്‌തറ്റിക്‌ ഓയിന്റ്‌മെന്റുകള്‍ മോണയില്‍ പുരട്ടാം.
പനിയും വേദനയും കൂടുതലുണ്ടെങ്കില്‍ ശിശുക്കള്‍ക്ക്‌ പാരസെറ്റമോള്‍ അടങ്ങിയ വേദന സംഹാരികള്‍ കൊടുക്കാവുന്നതാണ്‌. ഇതൊക്കെ ഒരു ശിശുദന്തരോഗചികിത്സാ വിദഗ്‌ദ്ധന്റെ നിര്‍ദ്ദേശപ്രകാരം മാത്രം നടത്തേണ്ടതാണ്‌.

വൈകി മുളയ്‌ക്കുന്ന പല്ലുകള്‍

സാധാരണ പല്ലുകള്‍ മുളയ്‌ക്കുന്ന പ്രായം കഴിഞ്ഞ അധ്യായത്തില്‍ വിശദീകരിച്ചിട്ടുണ്ട്‌. എന്നാല്‍, ചില കുട്ടികളില്‍ പല്ലുകള്‍ (പാല്‍പ്പല്ലുകളും സ്‌ഥിരം പല്ലുകളും) വൈകിയാണ്‌ മുളയ്‌ക്കാറ്‌. 6 മാസം വരെയുള്ള കാലതാമസം സ്വാഭാവികമാണ്‌.
എന്നാല്‍, അതുകഴിഞ്ഞും പല്ലു മുളച്ചില്ലെങ്കില്‍ വിദഗ്‌ദ്ധ ദന്തഡോക്‌ടറുടെ നിര്‍ദ്ദേശം തേടണം. ചില തൈറോയിഡ്‌, പാരാതൈറോയിഡ്‌ എന്നീ ഹോര്‍മോണുകളുടെ അളവിന്റെ വ്യത്യാസം പല്ലുകള്‍ മുളയ്‌ക്കുന്നതിനുള്ള കാലതാമസത്തിന്‌ ഇടവരുത്തും. ഗ്രന്ഥികളുടെ പ്രവര്‍ത്തനക്കുറവുമൂലമുണ്ടാകുന്ന അവസ്‌ഥ ചികിത്സിച്ചു ശരിയാക്കേണ്ടതാണ്‌.

സ്‌ഥിരം പല്ലുകള്‍ വൈകി മുളയ്‌ക്കുന്നതിനുള്ള കാരണങ്ങള്‍ പലതാണ്‌
1. പാല്‍പ്പല്ലുകള്‍ നേരത്തേ ഇളക്കിമാറ്റിയതുകൊണ്ട്‌.
2. പല്ലിന്റെ വളര്‍ച്ചാവഴിയിലുണ്ടാകുന്ന തടസം. ഇത്‌ മറ്റൊരു പല്ലു കാരണമോ, പാല്‍പ്പല്ലുകളുടെ ദ്രവിച്ച ഭാഗം ഇരിക്കുന്നതുകൊണ്ടോ, അതിനുമുകളില്‍ കട്ടിയുള്ള ശ്ലേഷ്‌മകലയുടെ ആവരണം ഉണ്ടായതുകൊണ്ടോ ആയിരിക്കാം.
3. പൊതുവായ വളര്‍ച്ചക്കുറവുകൊണ്ടോ എല്ലിന്റെ ക്രമക്കേടുകൊണ്ടോ ഉണ്ടാകുന്ന പ്രശ്‌നം.
സാധാരണയായി വളര്‍ച്ചാവഴിയിലുള്ള തടസം നീക്കിയാല്‍ പല്ലിന്റെ വളര്‍ച്ച ത്വരിതപ്പെടും. മുളയ്‌ക്കേണ്ട പല്ലിനെ മൂടിയിരിക്കുന്നതു കട്ടിയുള്ള മോണ മാറ്റിക്കൊടുത്തോ, ഇളകിപ്പോകാതെ നിലകൊള്ളുന്ന പാല്‍പ്പല്ലിന്റെ ദ്രവിച്ചിരിക്കുന്ന കുറ്റികള്‍ നീക്കം ചെയ്‌തോ ഇത്തരം തടസങ്ങള്‍ ഒഴിവാക്കാം.

പല്ലിന്റെ അസ്വാഭാവികത

ചിലപ്പോള്‍ ഒന്നോ അതിലധികമോ പല്ലുകള്‍ മുളയ്‌ക്കാതിരിക്കാറുണ്ട്‌. ഇത്‌ മറ്റൊരു പല്ലിന്റെ സ്‌ഥാനം തെറ്റിയ വളര്‍ച്ച, പല്ലുകള്‍ മുളയ്‌ക്കേണ്ട സ്‌ഥലത്ത്‌ അധികം പല്ലുകളുണ്ടായി, തല്‍സ്‌ഥാനത്ത്‌ തടസം സൃഷ്‌ടിക്കുന്നു. ചില കുഞ്ഞുങ്ങളില്‍ ഒരു പല്ലിന്റെ അഭാവം, ചിലയവസരങ്ങളില്‍ ഒന്നിലധികം പല്ലുകള്‍ ഇല്ലാതെയിരിക്കുന്ന അവസ്‌ഥയും കാണാം.
എന്നാല്‍, ഹെറിഡിറ്ററി എക്‌ടോഡേര്‍മല്‍ ഡിസ്‌പ്ലാസിയ എന്ന പാരമ്പര്യരോഗമുള്ള കുട്ടികളില്‍ ഭാഗികമായോ പൂര്‍ണമായോ പാല്‍പ്പല്ലുകളും സ്‌ഥിരം പല്ലുകളും ഇല്ലാതെയിരിക്കുന്ന അവസ്‌ഥ കണ്ടുവരുന്നു.
ചിലപ്പോള്‍ ആകൃതിയില്ലാത്ത പല്ലുകളും ഉണ്ടാവും. ആവശ്യമെന്നു തോന്നുന്ന സ്‌ഥലങ്ങളില്‍ പല്ലു വച്ചുകൊടുക്കുകയും ഉള്ള പല്ലിന്റെ സ്‌ഥാനവും വിവിധ ചികിത്സാരീതികള്‍ ഉപയോഗിച്ച്‌ ഭേദപ്പെടുത്തിയെടുക്കുകയും ചെയ്യാം.

അധികമുള്ള പല്ലുകള്‍

സാധാരണ 20 പാല്‍പ്പല്ലുകളും 32 സ്‌ഥിരം പല്ലുകളുമാണ്‌ മനുഷ്യനില്‍ കാണുന്നത്‌. ചില സന്ദര്‍ഭങ്ങളില്‍ അധികം പല്ലുകള്‍ മുളച്ചുകാണാറുണ്ട്‌. അധികം പല്ലുകള്‍ ചിലപ്പോള്‍ അടുത്തുള്ള പല്ലിന്റെ ആകൃതിയിലായിരിക്കും. അതിനെ സപ്ലിമെന്റല്‍ പല്ലുകള്‍ എന്നു പറയുന്നു.
ചില അധികം പല്ലുകള്‍ സ്‌ഥിരംപല്ലുകള്‍ മുളച്ചുവരുന്നതിനു തടസമുണ്ടാക്കുകയും പല്ലുകള്‍ക്കിടയില്‍ വിടവുണ്ടാക്കുകയും ചെയ്യുന്നു. പ്രത്യേകിച്ച്‌ മുന്‍വരിപ്പല്ലുകള്‍ക്കിടയിലാണ്‌ വിടവുണ്ടാകുക. ഇവയാണ്‌ മീസിയോഡെന്‍സ്‌.
അടുത്തുള്ള പല്ലുകളുമായുള്ള ചേര്‍ച്ചക്കുറവ്‌, തല്‍സ്‌ഥാനത്തുള്ള പല്ലുകള്‍ മുളയ്‌ക്കാതിരിക്കല്‍, ശരിയായ പല്ലിന്റെ വളര്‍ച്ചയ്‌ക്ക് തടസം, പല്ലുകളെ തല്‍സ്‌ഥാനത്തുനിന്നും തള്ളിമാറ്റി സ്‌ഥാനം തെറ്റി മുളയ്‌ക്കാന്‍ സാഹചര്യമൊരുക്കല്‍ തുടങ്ങിയ പ്രശ്‌നങ്ങള്‍ ഉണ്ടാകാതിരുന്നാല്‍ ചികിത്സയൊന്നും അത്യാവശ്യമില്ല. എന്നാല്‍, ഭംഗിക്കുറവ്‌ അനുഭവപ്പെട്ടാല്‍ ഇത്‌ എടുത്തുമാറ്റണം.
പൂര്‍ണമായും മുളച്ചുകഴിഞ്ഞശേഷം ഇവ ഇളക്കിമാറ്റുകയാണ്‌ നല്ലത്‌. ചില അവസരങ്ങളില്‍ അധികം പല്ലുകള്‍ പുറത്ത്‌ മുളച്ചുവരാനുള്ള സാധ്യത പരിമിതമാണ്‌. അത്തരം അവസരങ്ങളില്‍ ചെറിയ ശസ്‌ത്രക്രിയയിലൂടെ നീക്കാം.
സാധാരണ പല്ലിന്റെ വളര്‍ച്ചയ്‌ക്ക് തടസം ഉണ്ടാക്കുന്നതിനാലും ഞെരുങ്ങി വളര്‍ന്ന്‌ വായ്‌ വൃത്തിയാക്കാനും അധികം പല്ലുകള്‍ പ്രശ്‌നമുണ്ടാക്കാനിടയുണ്ട്‌. അത്തരം പല്ലുകള്‍ എടുത്തുകളയണം.

ചില ഹോര്‍മോണുകളുടെ അഭാവംമൂലം വളര്‍ച്ചയിലും വികസനത്തിലുമുണ്ടാകുന്ന അസ്വാഭാവികതയും പോരായ്‌മകളും കാരണമാണ്‌ മീസിയോഡെന്‍സ്‌ ഉണ്ടാകുന്നതും പല്ലുകള്‍ വരാതെ പോകുന്നതും.

മുച്ചുണ്ടും അണ്ണാക്കിലെ വിള്ളലും

ജനനസമയത്ത്‌ ചില കുഞ്ഞുങ്ങളില്‍ കാണപ്പെടുന്ന വികസനപോരായ്‌മയാണ്‌ മുച്ചുണ്ടും അണ്ണാക്കിലെ വിള്ളലും. ഏകദേശം 1/1000 ജനനം എന്ന അനുപാതത്തില്‍ ഇതു കണ്ടുവരുന്നു.
അണ്ണാക്കിലെ വിള്ളല്‍, ചെറിയ ദ്വാരമായോ, വലിയ വിടവായോ കാണാം. ചില അവസരങ്ങളില്‍ മൂക്കും വായും തമ്മില്‍ ഒരു വഴിയുണ്ടാക്കിയിരിക്കുന്നതായി കാണാം. കുഞ്ഞുങ്ങള്‍ക്ക്‌ ആഹാരം കൊടുക്കുന്നതിന്‌ പ്രയാസം ഉണ്ടാകുന്നു.

കുഞ്ഞ്‌ ജനിച്ച്‌ ഒരാഴ്‌ചയ്‌ക്കുള്ളില്‍ ഫീഡിങ്‌ പ്ലേറ്റ്‌ നിര്‍മിച്ചു നില്‌കാന്‍ ഒരു ശിശുരോഗചികിത്സാവിദഗ്‌ദ്ധനു കഴിയും. അണ്ണാക്കില്‍ വിള്ളല്‍ പില്‌ക്കാലത്ത്‌ സംസാരശേഷിയില്‍ പ്രശ്‌നങ്ങള്‍ ഉണ്ടാകാനും കാരണമാകും. അണ്ണാക്കില്‍ വിള്ളലുള്ള കുട്ടികളില്‍ പല്ല്‌ ശരിയായ സ്‌ഥാനത്ത്‌ മുളയ്‌ക്കണമെന്നില്ല.

അധികം പല്ലുകളോ, ചില അവസരങ്ങളില്‍ പല്ലുകളുടെ അഭാവമോ ഉണ്ടാകാം. ഒരു വിദഗ്‌ദ്ധ ദന്തഡോക്‌ടറെ കൃത്യമായി കണ്ടുകൊണ്ടിരിക്കണം. അണ്ണാക്കിലുള്ള വിള്ളല്‍ ചെറിയ ശസ്‌ത്രക്രിയകള്‍ പല ഘട്ടങ്ങളിലായി നടത്തി ഒരുപരിധിവരെ നികത്താന്‍ ശിശുരോഗ ശസ്‌ത്രക്രിയാവിദഗ്‌ദ്ധനു കഴിയും.

കുട്ടി ജനിച്ച ഉടന്‍തന്നെ ശിശുരോഗശസ്‌ത്രക്രിയാവിദഗ്‌ദ്ധന്റെ നിര്‍ദ്ദേശവും തേടണം. അണ്ണാക്കിലെയും ചുണ്ടിലെയും വിള്ളലിന്‌ അനുസൃതമായി ഫീഡിങ്‌ പ്ലേറ്റ്‌ എന്ന ഉപകരണം ഉണ്ടാക്കി കുട്ടിയുടെ വായില്‍ വച്ചുകൊടുത്ത്‌ കുട്ടിക്ക്‌ കുപ്പിപ്പാല്‍ കൊടുക്കുന്നതിനുള്ള പരിശീലനം നല്‌കുന്നതിന്‌ ശിശു ദന്തരോഗചികിത്സാവിദഗ്‌ദ്ധനു കഴിയും.

തന്മൂലം കുട്ടി കുടിക്കുന്ന പാല്‍ മൂക്കില്‍ക്കൂടി വെളിയിലോട്ടുവരാതെ അകത്തേക്കു വലിച്ച്‌ ശ്വാസകോശത്തിലോട്ടു പോകുന്നതു തടയാം. ഫീഡിങ്‌ പ്ലേറ്റ്‌ ഉപയോഗംമൂലം സാധാരണയായി അണ്ണാക്കില്‍ വിള്ളല്‍ ഉണ്ടായിക്കൊണ്ടിരിക്കുന്ന കുട്ടികളില്‍ ഉണ്ടാകാറുള്ള ആസ്‌പിറേഷന്‍ ന്യുമോണിയ നിയന്ത്രിക്കാന്‍ സാധിക്കും.

അണ്ണാക്കിലെ ശസ്‌ത്രക്രിയ കഴിഞ്ഞതിനുശേഷമുള്ള വിടവുകള്‍ ഓബ്‌റ്റുറേറ്റര്‍ എന്ന ഒരു ഉപകരണം അക്രീലിക്‌ എന്ന പദാര്‍ത്ഥം ഉപയോഗിച്ചു നിര്‍മിച്ചുവച്ചാല്‍ വായിലെ വിള്ളല്‍ അടച്ചെടുക്കുവാന്‍ സാധിക്കും.

ഈ പരിചരണ ചികിത്സോപാധികള്‍മൂലം ശരിയായി ആഹാരം കഴിക്കുവാനും ആരോഗ്യമുള്ള സാധാരണ കുട്ടികളെപ്പോലെ വളരുവാനും ഇത്തരം കുട്ടികള്‍ക്കു കഴിയും. സാങ്കേതിക സഹായവും ശരിയായ പോഷണക്രമവും വൈകല്യമുള്ള കുട്ടികളെ ശരിയായരീതിയില്‍ വളര്‍ത്തുവാന്‍ സഹായിക്കും.

മുച്ചുണ്ടും അണ്ണാക്കില്‍ വിള്ളലുള്ള കുട്ടികളുടെ പല്ല്‌ ശരിയായ സ്‌ഥാനത്തു മുളയ്‌ക്കണമെന്നില്ല. അണ്ണാക്കിനു വിള്ളലുള്ള കുട്ടിയുടെ പല്ലില്‍ പോടുണ്ടാകാനുള്ള സാധ്യത കൂടുതലാണ്‌. ഇത്തരം കുട്ടികളെ ഒരു ദന്തഡോക്‌ടറെ ചിട്ടയായി കാണിച്ചുകൊണ്ടിരിക്കണം.
സാധാരണഗതിയില്‍ ഓര്‍ത്തോ ഡോണ്‍ടിക്‌ ചികിത്സ വേണ്ടിവരും. ഇത്തരം അണ്ണാക്കില്‍ വിള്ളലുള്ള കുട്ടികളെ ചികിത്സിക്കുന്നതിന്‌ ഒരു 'ടീം അപ്രോച്ച്‌' ആണ്‌ ആവശ്യം. അതില്‍ പീഡിയാട്രീഷന്‍, പീഡോഡോന്റിസ്‌റ്റ്, അനസ്‌തേഷ്യസ്‌, ഓര്‍ത്തോഡെന്റിസ്‌റ്റ് മുതലായ സ്‌പെഷ്യലിസ്‌റ്റുകളുടെ കൂട്ടായ സേവനം ആവശ്യമാണ്‌.
Back to top Go down
Greeeeeshma
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Fri Jun 19, 2015 11:11 am

Very good amoose
Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Fri Jun 19, 2015 11:12 am

Greeeeeshma wrote:
Very good amoose

ഗ്രീഷൂ
Back to top Go down
Greeeeeshma
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Fri Jun 19, 2015 11:21 am

Ente peru Mery

Mery ye eshtha petto??
Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Fri Jun 19, 2015 11:44 am

Greeeeeshma wrote:
Ente peru Mery

Mery ye  eshtha petto??

കൊള്ളാല്ലോ മേരി
Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Fri Jun 19, 2015 12:17 pm

വാവയെ പഠിപ്പിക്കാം നല്ലശീലങ്ങള്‍

ശീലങ്ങള്‍ വളര്‍ച്ചയുടെ ഓരോ ഘട്ടത്തിലും പ്രധാനമാണ്‌. ബാല്യം മുതല്‍ കുട്ടികളില്‍ നല്ല ശീലങ്ങള്‍ വളര്‍ത്തിയെടുക്കാന്‍ പ്രേരണയാവേണ്ടത്‌ അമ്മമാരാണ്‌. അമ്മ നല്‍കുന്ന മാതൃകയിലൂടെ കുഞ്ഞിലും നല്ല ശീലങ്ങള്‍ ഉണ്ടായിത്തുടങ്ങും.
''ഈകുട്ടി ശരിക്കും അതിന്റെ അമ്മയെപ്പോലെയാ. നടപ്പും നോട്ടവും സംസാരവുമൊക്കെ അതുപോലെ തന്നെ.'' പെണ്‍കുഞ്ഞുങ്ങള്‍ അമ്മയെപ്പോലെയാണെന്ന്‌ പറയുന്നത്‌ പുതുമയല്ല.
അമ്മയുടെ ചേഷ്‌ടയും പെരുമാറ്റവും ശീലങ്ങളുമൊക്കെ പെണ്‍കുഞ്ഞുങ്ങളെ വളരെ സ്വാധീനിക്കാറുണ്ട്‌.
പഞ്ചാരപ്പല്ലുകാട്ടി അമ്മയെന്ന്‌ വിളിച്ചു തുടങ്ങുന്നതിനു മുമ്പ്‌ കുഞ്ഞുങ്ങളുടെ ശുചിത്വമടക്കം എല്ലാക്കാര്യങ്ങളിലും ശ്രദ്ധിക്കേണ്ടത്‌ അമ്മമാരാണ്‌. എല്ലാത്തിനും അമ്മ കുഞ്ഞിനൊപ്പം കൂടണം.
നല്ല ശീലങ്ങള്‍ പറഞ്ഞു കൊടുക്കാന്‍ കുഞ്ഞുങ്ങള്‍ക്കിഷ്‌ടമുള്ള മാര്‍ഗ്ഗങ്ങള്‍ സ്വീകരിക്കണം. കളിയില്‍ കൂടി കാര്യങ്ങള്‍ പറഞ്ഞു കൊടുക്കാന്‍ അമ്മമാര്‍ക്ക്‌ എളുപ്പം സാധിക്കും. കുഞ്ഞുങ്ങളുടെ മാനസിക ശാരീരിക വളര്‍ച്ചയ്‌ക്ക് അമ്മയുടെ പൂര്‍ണ്ണ സഹായം വേണം.

ശീലം -1

ബാല്യം മുതല്‍ കുട്ടിയില്‍ ശുചിത്വശീലങ്ങള്‍ വളര്‍ത്തിയെടുക്കണം. അതില്‍ അമ്മ മാതൃകയാകണം. ശുചിത്വം തുടങ്ങേണ്ടത്‌ ഉണര്‍ന്നെഴുന്നേല്‍ക്കുമ്പോള്‍ മുതലാവണം. രാവിലെ എഴുന്നേറ്റാലുടനെ പല്ലു തേക്കാനും നാവു വടിക്കാനും കുട്ടിയെ ശീലിപ്പിക്കുക.
ആ ശീലം ചെറുപ്പം മുതല്‍ തുടങ്ങിയാല്‍ പിന്നെ അതിനു വേണ്ടി കുട്ടിയെ നിര്‍ബന്ധിക്കേണ്ടി വരില്ല. രാവിലെയെന്ന പോലെ രാത്രിയില്‍ ഉറങ്ങും മുമ്പ്‌ പല്ലു തേക്കാന്‍ ശീലിപ്പിക്കുക.
കുട്ടി പല്ലുതേക്കുമ്പോള്‍ അമ്മയത്‌ മാറി നിന്ന്‌ ശ്രദ്ധിക്കേണ്ട, പകരം കുട്ടിക്കൊപ്പം അമ്മയും ആ ശീലത്തില്‍ പങ്കുകൊള്ളുക.
മൂന്നു മാസം കൂടുമ്പോള്‍ ടൂത്ത്‌ ബ്രഷ്‌മാറണമെന്ന്‌ കുട്ടിയെ ശീലിപ്പിക്കുക. ചെറിയ കുട്ടികള്‍ക്ക്‌ പുതിയ ബ്രഷ്‌, ടംഗ്‌ക്ലീനര്‍ എന്നൊക്കെ പറയുമ്പോള്‍ വലിയ കൗതുകമായിരിക്കും.
അതുകൊണ്ട്‌ അമ്മ മറന്നാലും കുട്ടികള്‍ അതോര്‍മിപ്പിക്കും. മുതിര്‍ന്നാലും ആ ശീലം അതുകൊണ്ട്‌ തന്നെ മാറിപ്പോകില്ല.

ശീലം-2
രാവിലെ കുളിക്കാന്‍ കുട്ടിയെ ശീലിപ്പിക്കുക. രാവിലത്തെ കുളി ഉന്മേഷം നല്‍കും. ക്ലാസില്‍ വേണ്ടവണ്ണം ശ്രദ്ധിച്ചിരിക്കാനുള്ള പ്രസരിപ്പ്‌ നല്‍കും. ചൂടുള്ള കാലാവസ്‌ഥയില്‍ രണ്ടുനേരം കുളിപ്പിക്കുക. തണുത്ത കാലാവസ്‌ഥയില്‍ വൈകിട്ടു മേല്‍കഴുകുക.
വീട്ടില്‍ എല്ലാവര്‍ക്കും കുളിക്കാന്‍ പ്രത്യേക തോര്‍ത്ത്‌ വേണം. കുട്ടിക്കും പ്രത്യേകം തോര്‍ത്തു നല്‍കുക. ചര്‍മരോഗങ്ങള്‍ പകരാതിരിക്കാനുള്ള മുന്‍കരുതലാണത്‌.
കുളിക്കണമെന്നുള്ള ശീലം ചെറുപ്പത്തില്‍ തുടങ്ങി വച്ചാല്‍ കുളിച്ചില്ലെങ്കില്‍ വല്ലാത്തൊരു ഉന്മേഷക്കുറവ്‌ കുട്ടികളിലുണ്ടാക്കും. ബാല്യം മുതല്‍ ആ ശീലം വളര്‍ത്തേണ്ടത്‌ അമ്മമാരാണ്‌.
കുളിപ്പിക്കുമ്പോള്‍ തന്നെ ലൈംഗികവായവയങ്ങള്‍ വൃത്തിയാക്കാനും കുട്ടികളെ ശീലിപ്പിക്കാന്‍ മറക്കരുത്‌.

ശീലം- 3

അമ്മയ്‌ക്കൊപ്പം വളര്‍ന്നു ശീലിച്ച കുഞ്ഞുങ്ങള്‍ക്ക്‌ സ്‌കൂളില്‍ പോകാന്‍ ആദ്യം നല്ല മടിയായിരിക്കും. അതു മാറ്റിയെടുക്കേണ്ടത്‌ അമ്മമാരാണ്‌. അവര്‍ക്കൊപ്പമിരുന്ന്‌ ഹോം വര്‍ക്കു ചെയ്യാനും, ഉത്തരം ശരിയാക്കിയാല്‍ സമ്മാനം കൊടുക്കാനും മടി കാണിക്കേണ്ട.
സമ്മാനം ഒരിക്കലും വലിയ വില കൂടിയതാവരുത്‌. ഒരു ഷേക്ക്‌ ഹാന്‍ഡ്‌, കെട്ടിപ്പിടിച്ച്‌ ഒരുമ്മ, മിടുക്കി എന്ന പ്രശംസ ഇതൊക്കെയാണ്‌ കുട്ടികളില്‍ കൂടുതല്‍ സന്തോഷം നിറയ്‌ക്കുന്നത്‌. ജോലിക്കു പോകുന്ന അമ്മമാരാണെങ്കില്‍ കൂടി കുഞ്ഞുങ്ങള്‍ക്ക്‌ വേണ്ടി അല്‍പ്പസമയം മാറ്റി വയ്‌ക്കുക.
സ്‌കൂളിലെ അവരുടെ വിശേഷങ്ങള്‍ ചോദിച്ചറിയുക. അവരുടെ സുഹൃത്തുക്കളെയും ടീച്ചര്‍മാരെയും കുറിച്ച്‌ അവരോട്‌ ചോദിക്കുക. വഴക്കുണ്ടായാല്‍ ടീച്ചര്‍മാരോട്‌ പറയണമെന്നും തിരിച്ച്‌ ഉപദ്രവിക്കരുതെന്നും പറഞ്ഞു മനസ്സിലാക്കുക.
കുട്ടികളുടെ മനസ്സറിയാനും അവര്‍ക്കു വേണ്ടി മാറ്റി വയ്‌ക്കാനും സമയം കണ്ടെത്തുക.

ശീലം- 4

ഭക്ഷണസാധനങ്ങള്‍ അധികനേരം തുറന്നു വച്ച ശേഷം കഴിക്കരുതെന്ന്‌ കുട്ടികളെ പറഞ്ഞു മനസ്സിലാക്കുക. പഴങ്ങളും പച്ചക്കറികളും നന്നായി കഴുകിയ ശേഷമേ കുട്ടികള്‍ക്ക്‌ കഴിക്കാന്‍ കൊടുക്കാവൂ. ഭക്ഷണം ഈച്ച കയറാതെ അടച്ചു വയ്‌ക്കണമെന്ന്‌ കുട്ടികളെ ശീലിപ്പിക്കുക.
അമ്മമാര്‍ അങ്ങനെ ശീലിപ്പിച്ചാല്‍ മുതിര്‍ന്നു കഴിഞ്ഞാലും ആ ശീലം മാറ്റില്ല. എല്ലാവരും ഒരുമിച്ചിരുന്ന്‌ ഭക്ഷണം കഴിക്കുക, പങ്കുവച്ച്‌ കഴിക്കുക, കൃത്യസമയത്ത്‌ കഴിക്കുക എന്നിങ്ങനെയുള്ള ശീലങ്ങള്‍ ചെറുപ്പം മുതല്‍ വളര്‍ത്തിയെടുക്കുക.
തീന്‍മേശയ്‌ക്കു ചുറ്റും ഒരുമിച്ചിരുന്ന്‌ വിശേഷങ്ങള്‍ പങ്കുവയ്‌ക്കുന്ന ഒരു അന്തരീക്ഷം വീട്ടിലൊരുക്കുക. അത്‌ കണ്ടു വളരുന്ന കുട്ടികളില്‍ അവരറിയാതെ തന്നെ ആ ശീലം കടന്നു വരും. സ്‌കൂളില്‍ വിട്ടാലും കുട്ടികള്‍ അമ്മ പഠിപ്പിച്ചു കൊടുത്ത ശീലങ്ങള്‍ക്കനുസരിച്ച്‌ കുഞ്ഞുങ്ങള്‍ ഭക്ഷണം കഴിക്കും.
ശീലം- 5

കുട്ടികള്‍ സ്‌കൂളില്‍ പോയിത്തുടങ്ങിയാല്‍ തൂവാല കൊടുത്തുവിടാന്‍ മറക്കരുത്‌. തുമ്മുകയോ മൂക്കു ചീറ്റുകയോ ചെയ്യുമ്പോള്‍ തൂവാല കൊണ്ട്‌ മുഖം പൊത്തിപ്പിടിക്കാന്‍ കുട്ടിയെ ശീലിപ്പിക്കുക. സ്‌കൂളില്‍ പോയി തുടങ്ങുന്ന കുട്ടികളുടെ തലമുടിയില്‍ പേന്‍ശല്യമുണ്ടാകാനുള്ള സാധ്യതയുണ്ട്‌.
അതുകൊണ്ട്‌ തന്നെ എല്ലാ ദിവസവും കുട്ടിയുടെ മുടി ചീകി വൃത്തിയാക്കണം. ആഴ്‌ചയിലൊരിക്കല്‍ വീര്യം കുറഞ്ഞ ഷാംമ്പു കൊണ്ട്‌ കഴുകുകയും വേണം. വളര്‍ത്തുമൃഗങ്ങള്‍ക്കൊപ്പം കളിക്കുമ്പോള്‍ അവയുടെ ദേഹത്തെ അണുക്കള്‍ കുട്ടിയില്‍ പ്രവേശിക്കാനിടയുണ്ട്‌.
അതിനാല്‍ അതുകഴിഞ്ഞ്‌ നിര്‍ബന്ധമായും കുളിപ്പിക്കണം. കുട്ടിയുടെ കിടക്കകള്‍ ആഴ്‌ചയിലൊരിക്കല്‍ വെയിലത്തു ഉണക്കിയെടുക്കുകയോ പൊടി കളഞ്ഞു വൃത്തിയാക്കുകയോ ചെയ്യണം. ജീവിക്കുന്ന ചുറ്റുപാട്‌ വൃത്തിയുള്ളതാക്കണമെന്ന്‌ കുട്ടികളെ ശീലിപ്പിക്കുക.

ശീലം-6

കുളി, പല്ലുതേപ്പ്‌എന്നിവ പോലെ തന്നെ സ്‌കൂളില്‍ പോകാറായ കുട്ടികളില്‍ ടോയ്‌ലറ്റ്‌ ഉപയോഗിക്കുന്ന രീതിയും സമയവുമൊക്കെ കൃത്യമായി പറഞ്ഞു മനസ്സിലാക്കിക്കൊടുക്കണം. ടോയ്‌ലറ്റില്‍ പോയി വന്ന ശേഷം കൈകള്‍ സോപ്പിട്ടു കഴുകാന്‍ ശീലിപ്പിക്കുക.
ടോയ്‌ലറ്റില്‍ ആന്റി-ബാക്‌ടീരിയല്‍ സോപ്പ്‌ നിര്‍ബന്ധമായും വയ്‌ക്കണം. മാത്രവുമല്ല ടോയ്‌ലറ്റ്‌ മാസത്തില്‍ രണ്ടുതവണ അണുനാശിനി ഉപയോഗിച്ചു വൃത്തിയാക്കണം.
കൈകഴുകാതെ ഭക്ഷണം കഴിക്കുന്നത്‌ അസുഖങ്ങളുണ്ടാക്കും. പരസ്യങ്ങളെ അനുകരിച്ച്‌, കുളിക്കുമ്പോള്‍ സോപ്പ്‌ നേരിട്ട്‌ തേക്കരുതെന്ന്‌ കുട്ടിയോട്‌ പറയുക.

കൈയില്‍ പതപ്പിച്ചോ, ഇഞ്ചയോ, മൃദുവായ സ്‌ക്രബ്ബറോ ഉപയോഗിച്ച്‌ സോപ്പ്‌ തേക്കുക. കുട്ടിയെ കുളിപ്പിക്കുമ്പോള്‍ തന്നെ ശരീരത്തിലെ സോപ്പിന്റെ അംശം നന്നായി കഴുകികളയുക. കുളികഴിഞ്ഞ്‌ ശരീരഭാഗം നന്നായി തുടച്ചുണക്കിയ ശേഷം മാത്രം കുട്ടികളെ വസ്‌ത്രം ഇടുവിക്കുക.
കുളിപ്പിച്ച ശേഷം ചര്‍മ്മത്തിലെ മടക്കുകള്‍ തുടച്ച്‌ ഈര്‍പ്പമില്ലാതാക്കണം. അവിടെ സോപ്പും ഈര്‍പ്പവും കെട്ടി നിന്ന്‌ അണുബാധയുണ്ടാകാന്‍ കാരണമാകും. പാന്റീസിടാതെ കുട്ടികളെ മണ്ണില്‍ കളിക്കാന്‍ അനുവദിക്കരുത്‌, അണുബാധയുണ്ടാകാന്‍ അതു കാരണമാകും.

ശീലം- 7

ചെറിയ കുട്ടികളില്‍ വിരശല്യം ഒരു വലിയ പ്രശ്‌നമാണ്‌. കുട്ടികള്‍ വിരല്‍ കുടിക്കുക തടയുക, പുറത്തുപോകുമ്പോള്‍ കുട്ടികള്‍ക്കു പാദരക്ഷകള്‍ നിര്‍ബന്ധമാക്കുക, കുട്ടികളുടെ നഖം വെട്ടി വൃത്തിയാക്കുക എന്നിവയൊക്കെ ചെറുപ്പം മുതല്‍ ശീലിപ്പിക്കുക.
മണ്ണിലെ കൊക്കപ്പുഴു ലാര്‍വകള്‍ പാദം തുളച്ചാണ്‌ കയറുന്നത്‌. അതുകൊണ്ട്‌ പാദരക്ഷകള്‍ ധരിക്കണമെന്ന്‌ പറഞ്ഞു കൊടുക്കുക. മണ്ണില്‍ കളിച്ചു കഴിഞ്ഞാല്‍ സോപ്പിട്ടു കൈയും കാലും കഴുകണം.
ഫാഷന്റെ ഭാഗമായി നഖം നീട്ടി വളര്‍ത്തുന്ന ചേച്ചിമാരെ കണ്ട്‌ ചെറിയ കുട്ടികളും നഖം വളര്‍ത്തണമെന്ന്‌ വാശിപിടിക്കാറുണ്ട്‌. അതിന്‌ അനുവദിക്കരുത്‌.
മണ്ണില്‍ കളിക്കുന്ന സമയം വിരമുട്ടകള്‍ നഖത്തിനിടയില്‍ കയറി വയറിലെത്തി വിരശല്യവും ചര്‍മ്മരോഗവും ഉണ്ടാക്കുമെന്ന്‌ കുട്ടികളെ പറഞ്ഞു മനസ്സിലാക്കുക. ആറുമാസം കൂടുമ്പോള്‍ വിരശല്യം മാറാനുള്ള മരുന്നു കുട്ടികള്‍ക്ക്‌ കൊടുക്കുക.

ശീലം-8

പെരുമാറ്റരീതികളിലൂടെയാണ്‌ ഒരു വ്യക്‌തിയോട്‌ ഇഷ്‌ടം തോന്നേണ്ടത്‌. വാ തുറന്നാല്‍ തര്‍ക്കുത്തരം പറയുന്ന കുട്ടികളോട്‌ ആര്‍ക്കും ഇഷ്‌ടം തോന്നില്ല.
മുതിര്‍ന്നവരെ ബഹുമാനിക്കാന്‍ കുട്ടികളെ ചെറുപ്പം മുതല്‍ ശീലിപ്പിക്കുക. എന്തു പറഞ്ഞാലും അനുസരിക്കാത്ത, കുസൃതിയിലൂടെ മറ്റുള്ളവരെ ദേഹോപദ്രവം ചെയ്യുന്ന കുട്ടികളോട്‌ ആര്‍ക്കും താത്‌പര്യം തോന്നില്ല.
കുട്ടികളായാല്‍ കുസൃതി വേണം, പക്ഷേ അധികമായാല്‍ അമൃതം വിഷമെന്നു പറയുന്നതു പോലെ കുസൃതികള്‍ മറ്റുള്ളവരെ ദ്രോഹിക്കുന്ന രീതിയിലാവരുത്‌.
അതേയ്‌, ഇതേയ്‌, ശ്ശൂ എന്നിങ്ങനെ പല ശബ്‌ദങ്ങളിലൂടെ മറ്റുള്ളവരെ വിളിക്കുന്ന കുട്ടികളെ കാണാറുണ്ട്‌. അതൊരിക്കലും നല്ലൊരു പ്രവണതയല്ല.
പ്രായത്തില്‍ മുതിര്‍ന്നവരെ സ്‌ഥാനപ്പേരു നല്‍കി വിളിക്കാന്‍ കുട്ടികളെ പഠിപ്പിക്കണം. അതില്‍ മടി കാണിക്കരുതെന്നു പറഞ്ഞു കൊടുക്കണം. ചെറുപ്പത്തില്‍ ആ മടി വന്നാല്‍ മുതിര്‍ന്നാലും അതു മാറില്ല. എല്ലാക്കാര്യത്തിലും കുട്ടികള്‍ക്ക്‌ അമ്മ മാതൃക തന്നെയാവണം.
Back to top Go down
sandeep
Forum Boss
Forum Boss
avatar

Location : Dubai

PostSubject: Re: അമ്മമാര്‍ അറിയുവാന്‍ !   Sat Jun 20, 2015 8:26 am

Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Sat Jun 20, 2015 9:40 am

കുഞ്ഞുങ്ങളെ ഊട്ടുമ്പോള്‍...


അമ്മയുടെ മുലപ്പാലാണു കുഞ്ഞിന്റെ ആദ്യത്തെ പോഷകം. കുഞ്ഞിന് ആവശ്യമുള്ള എല്ലാ പോഷകങ്ങളും മുലപ്പാലില്‍ നിന്നു ലഭിക്കുന്നുണ്ട്. അതു കൊണ്ടു തന്നെയാണ് ആറുമാസം വരേക്കും കുഞ്ഞിന് അമ്മയുടെ മുലപ്പാല്‍ നല്‍കിയാല്‍ മതിയെന്നു പറയുന്നത്. അതിനു ശേഷമാണു കുഞ്ഞിനു മറ്റ് ആഹാരങ്ങള്‍ നല്‍കിത്തുടങ്ങേണ്ടത്.

സാധാരണയായി ഒരു കുഞ്ഞു ജനിച്ചാല്‍ ആറുമാസത്തേക്കു മുലപ്പാല്‍ നിര്‍ബന്ധമായും കൊടുത്തിരിക്കണം. എന്നാല്‍ ചില കുഞ്ഞുങ്ങള്‍ക്ക് അമ്മയുടെ മുലപ്പാല്‍ മതിയാവാതെ വരും. അതായതു മുലപ്പാല്‍ കുടിച്ച് അല്‍പ്പസമയത്തിനുളളില്‍ത്തന്നെ കുഞ്ഞു വീണ്ടും കരഞ്ഞു തുടങ്ങും. അതു മുതലാണു കുഞ്ഞിനു മറ്റ് ആഹാരങ്ങള്‍ കൊടുത്തു തുടങ്ങേണ്ടത്. ഇത് നാലു മുതല്‍ ആറു മാസത്തിനുള്ളിലാണ്. കുറുക്കു പോലുള്ളവയാണ് ഉത്തമം. അരിപ്പൊടി, റാഗി, നേന്ത്രക്കായപ്പൊടി എന്നിവ നന്നായി വെള്ളത്തില്‍ കുറുക്കിയതിനു ശേഷം അമ്മയുടെ മുലപ്പാല്‍ ചേര്‍ത്തു കൊടുക്കാവുന്നതാണ്. ആറു മാസത്തിനു ശേഷം പച്ചക്കറികളും പഴവര്‍ഗങ്ങളും നന്നായി പുഴുങ്ങി ഉടച്ചു കൊടുക്കാം. ഉരുളക്കിഴങ്ങ്, പഴം എന്നിവ നന്നായി വേവിച്ച് ഏഴാം മാസം മുതല്‍ കൊടുക്കാവുന്നതാണ്. പരിപ്പു നന്നായി വേവിച്ച് ഉടച്ചതും പയറു വര്‍ഗങ്ങള്‍ വേവിച്ചതും കൊടുക്കാം. ഇതില്‍ ധാരാളം ഇരുമ്പു സത്ത് അടങ്ങിയിട്ടുണ്ട്. സാവധാനത്തില്‍ കട്ടിയാഹാരം കൊടുത്തു തുടങ്ങാം. ആദ്യം വേണ്ടതു കുഞ്ഞിനെ ശരിക്കു മനസിലാക്കുക എന്നതാണ്. അതിനു ശേഷം കുഞ്ഞിന്റെ ഇഷ്ടത്തിനനുസരിച്ച് ആഹാരങ്ങള്‍ ക്രമീകരിക്കണം.

കുഞ്ഞിനു ഭക്ഷണം നല്‍കുമ്പോള്‍ ഒരു കാര്യം പ്രത്യേകം ശ്രദ്ധിക്കണം. കുഞ്ഞിനെ ഒരു സ്ഥലത്തിരുത്തി വേണം ആഹാരം കൊടുക്കാന്‍. കുഞ്ഞിന്റെ പിന്നാലെ ഓടി നടന്നു ഭക്ഷണം കൊടുക്കരുത്. കുഞ്ഞിനു കഴിക്കുവാന്‍ പാകത്തിനു വേണം ആഹാരം കൊടുക്കാന്‍. കൂടുതല്‍ ഭക്ഷണം കുഞ്ഞുങ്ങള്‍ക്കു കൊടുക്കുന്നതില്‍ കാര്യമില്ല. കുറച്ച് ആഹാരം കൊടുത്താലും അത് മൂല്യമുള്ളതായിരിക്കണം. ഭക്ഷണം ചവച്ചരച്ചു കഴിക്കാനുള്ള സാവകാശം കുഞ്ഞിനു നല്‍കണം.

ശ്രദ്ധിക്കുക

വളരെ ചൂടുള്ളതും വളരെ തണുത്തതുമായ

ഭക്ഷണം കുഞ്ഞിനു നല്‍കാതിരിക്കുക.

കുഞ്ഞിനുള്ള ഭക്ഷണം മൈക്രോവേവ് ഓവനില്‍ തയാറാക്കരുത്.

ആറാം മാസം കഴിഞ്ഞതിനു ശേഷമേ കട്ടിയാഹാരം കൊടുക്കാവൂ.

സ്‌പൈസി ഫുഡും ഉപ്പ് അധികം കലര്‍ന്ന ഫുഡും കൊടുക്കരുത്.

തൊണ്ടയില്‍ കുടുങ്ങുന്ന തരത്തില്‍ ഭക്ഷണം തയാറാക്കരുത്.

ഏഴോ എട്ടോ മാസം കഴിഞ്ഞതിനു ശേഷം നന്നായി വേവിച്ച

മാംസാഹാരം, വേവിച്ച ക്യാരറ്റ്, മുട്ടയുടെ കുരു എന്നിവ കൊടുക്കാം.

ഒന്‍പതാം മാസം മുതല്‍ പഴത്തിന്റെ ചാറ്, മധുരം ചേര്‍ക്കാതെ

തിളപ്പിച്ചാറിയ വെള്ളം ചേര്‍ത്തു കൊടുക്കാം. ബ്രഡ്, ബട്ടര്‍ എന്നിവയും

കൊടുത്തു തുടങ്ങാം. ഒരു വയസു കഴിഞ്ഞാല്‍ കുഞ്ഞിന്

എല്ലാ ഭക്ഷണവും കൊടുത്തു തുടങ്ങാം. അത് കുഞ്ഞിന്റെ

ആരോഗ്യത്തിനനുസരിച്ചു കൊടുക്കാം. കുഞ്ഞിന്റെ ആവശ്യം

അറിഞ്ഞു വേണം ഭക്ഷണം കൊടുക്കാന്‍. ചില അമ്മമാര്‍ കുഞ്ഞിന്

അമിത ഭക്ഷണം അടിച്ചേല്‍പ്പിക്കാറുണ്ട്. അത് കുഞ്ഞിന്

അമിത ഭാരമുണ്ടാക്കാനേ സഹായിക്കൂ. കുഞ്ഞിനെ നന്നായി

മനസിലാക്കിയ ആള്‍ എന്ന നിലയില്‍ അമ്മ തന്നെ

ഭക്ഷണം കൊടുക്കാന്‍ ശ്രമിക്കണം. കുഞ്ഞിന്റെ നല്ല വളര്‍ച്ചയ്ക്കു

യോജിക്കുന്ന തരത്തിലുള്ള ഭക്ഷണം തെരഞ്ഞെടുക്കുന്നതിലും

അതു വൃത്തിയായി നല്‍കുന്നതിലും അമ്മയ്ക്കു നല്ല പങ്കു വഹിക്കാനുണ്ട്.

പഴവര്‍ഗങ്ങളും പച്ചക്കറികളും നന്നായി കഴുകണം.

പല അസുഖങ്ങളും വളരെ വേഗത്തില്‍ കുഞ്ഞുങ്ങളെ

ബാധിക്കാന്‍ സാധ്യതയുള്ളതിനാല്‍ എല്ലാ കാര്യത്തിലും

വൃത്തി പാലിക്കാന്‍ ശ്രദ്ധിക്കണം.

പച്ചക്കറികള്‍ ആവിയില്‍ വേവിക്കുന്നതാണു നല്ലത്. അതിലെ ധാതുക്കള്‍ നഷ്ടപ്പെടാതിരിക്കാന്‍ ഇതു സഹായിക്കും. തിളപ്പിക്കുകയാണെങ്കില്‍ കുറച്ചു വെള്ളത്തില്‍ തിളപ്പിക്കുന്നതാണു നല്ലത്.

Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Sat Jun 20, 2015 9:43 am

തനിച്ച് താമസിക്കുന്ന അമ്മമാര്‍ ശ്രദ്ധിക്കാന്‍


അത്താഴം തയ്യാറാക്കാന്‍ പാത്രം നേരത്തെ തന്നെ കഴുകി വൃത്തിയാക്കി വെച്ചിരിക്കണം. ഇത് വൈകുന്നേരം സമയം ലാഭിക്കാന്‍ സഹായിക്കും. ആഴ്ചയിലൊരിക്കല്‍ പലവ്യഞ്ജനങ്ങള്‍ വാങ്ങുക. നിത്യേനയുള്ള സാധനം വാങ്ങല്‍ ഏറെ സമയ നഷ്ടം വരുത്തും. അതുപോലെ തന്നെ തയ്യാറാക്കേണ്ടുന്ന ഭക്ഷണത്തെക്കുറിച്ച് മുന്‍ധാരണയുണ്ടായിരിക്കണം. താമസിച്ച് വീട്ടിലെത്തുന്ന ദിവസങ്ങളില്‍ പുറത്ത് നിന്ന് രെഡിമെയ്ഡ് ഭക്ഷണം വാങ്ങാം. എന്നാല്‍ ഇതൊരു ശീലമാക്കരുത്. കുട്ടികള്‍ക്ക് സ്‌കൂളിലേക്ക് ആവശ്യം വരാവുന്ന സാധനങ്ങള്‍ നേരത്തെ തന്നെ വാങ്ങി സൂക്ഷിക്കുക.അങ്ങനെ ചെയ്താല്‍ വീട്ടുജോലികള്‍ക്കിടെ പെന്‍സില്‍, നോട്ടുബുക്ക് തുടങ്ങിയവ വാങ്ങാന്‍ കടയിലേക്കോടാന്‍ ഇടയാകില്ല. കുട്ടികളുടെ ഹോംവര്‍ക്കുകള്‍ പൂര്‍ത്തിയാക്കി കിടക്കാന്‍ പോകുന്നതിന് മുന്‍പ് തന്നെ ബാഗ് പാക്ക് ചെയ്യുക. സ്‌കൂള്‍ ഡയറി നോക്കി എന്തെങ്കിലും നിര്‍ദ്ദേശമോ, സ്‌കൂള്‍ ഫീസ് അടക്കാനുള്ള കത്തോ, നോട്ടീസുകളോ ഉണ്ടോയെന്ന് പരിശോധിക്കുക.സ്ഥിരം ഒരേ സ്ഥലത്ത് തന്നെ വേണം ബാഗും സാധനങ്ങളും വെക്കുവാന്‍. കുട്ടികള്‍ക്ക് ലൈബ്രറി ബുക്ക് വെയ്ക്കുവാന്‍ ഒരു ബാസ്‌കറ്റോ മറ്റോ വെക്കുക. അപ്പോള്‍ ഒറ്റ നോട്ടത്തില്‍ മടക്കിക്കൊടുക്കാത്ത പുസ്തകങ്ങള്‍ കൈവശമുണ്ടോയെന്ന് മനസിലാക്കാം. പിറ്റേന്ന് വേണ്ടുന്ന വസ്ത്രങ്ങള്‍ ഇസ്തിരിയിട്ട് വെക്കുക. അനുബന്ധ സാധനങ്ങളായ ബെല്‍റ്റ്, ടൈ തുടങ്ങിയവയെല്ലാം അടുത്ത് തന്നെ വെക്കുക. ഇല്ലെങ്കില്‍ രാവിലെ ഓരോന്നും തിരഞ്ഞ് നടക്കേണ്ടി വരും.സാധിക്കുമെങ്കില്‍ പിറ്റേന്നത്തെ ഉച്ചഭക്ഷണം തലേന്ന് തന്നെ തയ്യാറാക്കി എടുത്ത് വെക്കുക. എല്ലാ ദിവസവും കുറെ വസ്ത്രങ്ങളെങ്കിലും അലക്കാന്‍ ശ്രദ്ധിക്കണം. അല്ലെങ്കില്‍ ആഴ്ചയുടെ അവസാനം, അവധിദിനത്തില്‍ തുണി അലക്കി നിങ്ങളുടെ ദിവസം കടന്നുപോകും. രാത്രി കിടക്കുന്നതിന് മുമ്പ് തന്നെ പാത്രങ്ങള്‍ കഴുകി വെയ്ക്കുക. എല്ലാ ദിവസവും വീടിന്റെ ചെറിയ ഭാഗമെങ്കിലും വൃത്തിയാക്കുക. സ്‌കൂള്‍ കലണ്ടര്‍ നോക്കി പ്രധാന കാര്യങ്ങള്‍ നിങ്ങളുടെ കലണ്ടറില്‍ രേഖപ്പെടുത്തുക. കുട്ടികളെ അവരവരുടെ കാര്യങ്ങള്‍ ചെയ്യുവാന്‍ ശീലിപ്പിക്കുക. സ്‌കൂളിലേക്കുള്ള സാധനങ്ങള്‍ സ്വയം എടുത്തുവെക്കാനും മറ്റും പ്രേരിപ്പിക്കുക. എല്ലാത്തിനുമുപരി നിങ്ങള്‍ക്കുവേണ്ടിത്തന്നെ സമയം കണ്ടെത്തുക. നിങ്ങളുടെ സമയവും, ഊര്‍ജ്ജവും നശിപ്പിക്കുന്ന കാര്യങ്ങളോട് പറ്റില്ല എന്ന് തുറന്ന് പറയാന്‍ പഠിക്കുക.

-
Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Sat Jun 20, 2015 9:45 am

കുഞ്ഞുങ്ങളുടെ അച്ചടക്കം


മിക്ക മാതാപിതാക്കളും കുഞ്ഞുങ്ങളോടുള്ള അമിത വാത്സല്യം മൂലം തെറ്റുകള്‍ കണ്ടാല്‍ എതിര്‍ക്കാറില്ല. വളരെ ചെറുപ്പത്തില്‍ത്തന്നെ വയ്ക്കുന്ന നിയന്ത്രണരേഖകളോ രീതികളോ ആണ് ഭാവിയിലെ സ്വഭാവരൂപീകരണത്തിനും അച്ചടക്കത്തിനും വഴിതെളിക്കുന്നതെന്നു മനസിലാക്കണം. കുഞ്ഞ് വലിയ താത്പര്യം കാണിക്കുന്ന കാര്യങ്ങള്‍ ചെയ്യാതിരുന്നാല്‍ അത് ഭാവിയില്‍ ആത്മനിയന്ത്രണം ലഭിക്കാന്‍ സഹായിക്കും.

എട്ടു മാസം മുതല്‍ കുഞ്ഞുങ്ങളുടെ സ്വഭാവരൂപീകരണം ആരംഭിക്കും. കുഞ്ഞുങ്ങള്‍ അവരവരുടെ ശീലങ്ങളും സ്വഭാവരീതികളും വികസിപ്പിച്ചെടുക്കും. ഇതില്‍ മാതാപിതാക്കള്‍ക്കും സഹോദരങ്ങള്‍ക്കുമുള്ള പങ്ക് വലുതാണ്. അനാവശ്യ ശീലങ്ങളില്‍ നിന്നു കുഞ്ഞിനെ മാറ്റാന്‍ ഏറ്റവും നല്ല രീതി ശ്രദ്ധ തിരിക്കലാണ്. അനാവശ്യ ശീലങ്ങള്‍ ഒരിക്കലും പ്രോത്സാഹിപ്പിക്കരുത്. ഉദാഹരണത്തിന് മുതിര്‍ന്നവരെ അടിക്കുകയോ തുപ്പുകയോ സ്വന്തം ശരീരത്തെ ആവശ്യത്തില്‍ കൂടുതല്‍ അറിയാന്‍ ശ്രമിക്കുകയോ ചെയ്യുമ്പോള്‍, കുഞ്ഞിന്റെ ശ്രദ്ധ മറ്റു വിഷയങ്ങളിലേക്കു തിരിക്കാന്‍ ശ്രദ്ധിക്കണം.

കുഞ്ഞിനെ ശാസിക്കേണ്ട സമയം പ്രത്യേകം തരംതിരിക്കണം. എന്തു ചെയ്താലും ശാസിക്കുകയും ശിക്ഷിക്കുകയും ചെയ്താല്‍ തെറ്റും ശരിയും മനസിലാക്കാന്‍ കഴിയാതെ വരും. കുഞ്ഞിന് അപകടങ്ങളുണ്ടാകാന്‍ സാധ്യതയുള്ള സമയത്ത് ശാസന അനിവാര്യമാണ്. പക്ഷേ, ശാസനയോടൊപ്പം എന്തുകൊണ്ട് അമ്മ അല്ലെങ്കില്‍ അച്ഛന്‍ ശാസിച്ചു എന്നതിന്റെ കാരണം കുഞ്ഞിനെ മനസിലാക്കിക്കൊടുക്കുക. ഒന്നോ രണ്ടോ തെറ്റുകളില്‍ നിന്നു കുഞ്ഞ് കാര്യകാരണങ്ങള്‍ മനസിലാക്കുമെന്നു വിചാരിക്കരുത്. പ്രകൃതിദത്തമായ ആകാംക്ഷ കുഞ്ഞിനെ എപ്പോഴും താത്പര്യവാനും ഉത്സാഹിയുമാക്കും. ഇതിനെ പ്രോത്സാഹിപ്പിക്കണം, തല്ലിക്കെടുത്തരുത്.

തെറ്റ് പ്രവര്‍ത്തിച്ചാല്‍ ശാസന ഉടനേ ഉണ്ടാകണം. അല്ലാതെ അതിന്റെ പ്രാധാന്യം അവസാനിച്ച ശേഷം വരുന്ന ശാസനയ്ക്കു യാതൊരുവിധ പ്രയോജനവും ഉണ്ടാവില്ല. മറിച്ച് അതു കുഞ്ഞിനെ അസ്വസ്ഥനാക്കും. നല്ലതായാലും മോശമായാലും യെസ് അല്ലെങ്കില്‍ നോ ഉടന്‍ പറയണം. തെറ്റായ കാര്യം പ്രവര്‍ത്തിക്കുന്നതില്‍ നിന്നു കുഞ്ഞിനെ ഒരു തവണ പിന്തിരിപ്പിച്ച ശേഷം, അതേ തെറ്റ് ആവര്‍ത്തിക്കുന്ന കുഞ്ഞിനോട് ഒരേ തരത്തില്‍ത്തന്നെ പെരുമാറണം.

ശാസന പോലെ തന്നെ വളരെ അനിവാര്യമാണ് പ്രശംസയും. നല്ല പ്രവൃത്തിയെ എപ്പോഴും പ്രശംസിക്കുക. ഇത് നല്ല സ്വഭാവരൂപീകരണത്തിന് അടിത്തറ പാകും. ഉദാഹരണമായി മറ്റുള്ളവര്‍ക്കു വേണ്ടി നല്ല കാര്യം ചെയ്യുക, സമപ്രായക്കാരോടു നന്നായി പെരുമാറുകയും കളിപ്പാട്ടങ്ങള്‍ പങ്കിടുകയും ചെയ്യുക... ഇത്തരം സമയങ്ങളില്‍ കുഞ്ഞിനെ പ്രശംസിക്കാം. ഇത് അനാവശ്യകാര്യങ്ങള്‍ ചെയ്തില്ലെങ്കിലും അച്ഛന്റേയും അമ്മയുടേയും ശ്രദ്ധ എനിക്കു കിട്ടും എന്ന ബോധം കുഞ്ഞില്‍ ജനിപ്പിക്കും.

അധിക ലാളന കുഞ്ഞിനെ വഷളാക്കും എന്നു കരുതുന്ന മാതാപിതാക്കളുണ്ട്. എന്നാല്‍ എട്ടു മുതല്‍ പന്ത്രണ്ടു മാസം വരെയുള്ള കുഞ്ഞുങ്ങള്‍ക്ക് അഭിനയകല തീരെ വശമില്ല. അതിനാല്‍ അവര്‍ കരഞ്ഞാല്‍ ഉടന്‍ അവര്‍ക്കാവശ്യമായ ശ്രദ്ധ നല്‍കുക. ജനനശേഷം എട്ടു മാസമോ അതിനു മുമ്പോ കുഞ്ഞ് എന്തിനാണ് കരയുന്നതെന്ന് മാതാപിതാക്കള്‍ക്കു വ്യക്തമായി മനസിലാവും. എന്നാല്‍ ചില സമയം കുഞ്ഞ് അനാവശ്യമായി കരഞ്ഞേക്കാം. താന്‍ എന്തിനാണ് കരയുന്നത് എന്നതിനെക്കുറിച്ചു കുഞ്ഞിനു വ്യക്തത കാണില്ല. ഈ സമയം അവനെ മാറോടണച്ചു സംസാരിക്കുകയും ലാളിക്കുകയും ചെയ്യുക. മാതാപിതാക്കളുടെ ലാളനയും സ്‌നേഹവും കുഞ്ഞിന് ജീവവായുവും ഭക്ഷണവും പോലെ തന്നെ പ്രധാനമെന്നു തിരിച്ചറിയുക.

Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Sat Jun 20, 2015 9:48 am

കുട്ടികളിലെ ഓട്ടിസം


ഗര്‍ഭധാരണം മുതല്‍ സ്ത്രീകള്‍ ആകെ സന്തോഷത്തിലായിരിക്കും. അത് ആദ്യ കുട്ടിയായാലും മൂന്നാമത്തെ കുഞ്ഞാണെങ്കിലും ഒരുപോലെ തന്നെ. എന്നാല്‍ അത്രയേറെ സന്തോഷിക്കുമ്പോഴും പല കാര്യങ്ങളിലും മുന്‍കരുതലും ശ്രദ്ധയും അത്യാവശ്യമാണ്. അതില്‍ പ്രധാനമാണു കുടുംബത്തില്‍ ആര്‍ക്കെങ്കിലും ജനിതക വൈകല്യം കൊണ്ടുള്ള ബുദ്ധിമുട്ടുകള്‍ ഉണ്ടായിട്ടുണ്ടോ എന്നതാണ്. ജനിതക വൈകല്യങ്ങള്‍ തലമുറകളോളം നിലനില്‍ക്കും. അതിനു പ്രത്യേകിച്ചു പാറ്റേണുകളുണ്ടാവില്ല. അതുകൊണ്ടു തന്നെ അത്തരം പ്രശ്‌നങ്ങളുള്ള കുഞ്ഞാണോ ഗര്‍ഭത്തിലുള്ളതെന്ന് അത്ര പെട്ടെന്നു തിരിച്ചറിയാന്‍ കഴിയാതെ പോകുന്നു. കുടുംബത്തില്‍ ഇത്തരം ജനിതക രോഗങ്ങള്‍ അലട്ടിയിരുന്നു എന്നു വ്യക്തമായി അറിയുന്നവര്‍ തീര്‍ച്ചയായും ഇക്കാര്യം ഡോക്റ്ററോടു പറയണം. ഇതിനെ മറികടക്കാനുള്ള മാര്‍ഗങ്ങള്‍ നേരത്തേ കണ്ടെത്താനാവും.

ലോകത്തു ജനിക്കുന്ന ആയിരം കുട്ടികളെ പരിശോധിച്ചാല്‍ അവരില്‍ രണ്ടു പേര്‍ക്കാവും ഓട്ടിസമെന്ന ജനിതക പ്രശ്‌നമുണ്ടാവുക. ഓട്ടിസം എന്നതു ബുദ്ധിമാന്ദ്യമെന്നു തെറ്റിദ്ധരിക്കപ്പെടാറുണ്ട്. എന്നാല്‍ ഇതു നാഡികളുടെ വികാസത്തില്‍ സംഭവിക്കുന്ന ഡിസ്ഓര്‍ഡറാണ്. ചുറ്റുപാടുമായി ഇണങ്ങാനും ആശയവിനിമയം നടത്താനും കുട്ടികള്‍ക്കു ബുദ്ധിമുട്ടുണ്ടാവുന്നു. ചിലപ്പോള്‍ ഒരു കാര്യം തന്നെ തുടര്‍ച്ചയായി ചെയ്യുന്നതും ചിലതു ചെയ്യാതിരിക്കുന്നതും ഇതിന്റെ ലക്ഷണങ്ങള്‍. തലച്ചോറില്‍ വിവരങ്ങള്‍ പ്രോസസ് ചെയ്യപ്പെടുന്നതിനേയും ഓട്ടിസം സ്വാധീനിക്കുന്നു. മൂന്നു തരത്തിലാണ് ഓട്ടിസ്റ്റിക് ഡിസ്ഓര്‍ഡര്‍ കുട്ടികളിലുണ്ടാവുക. തലച്ചോറിലെ നാഡികളില്‍ വ്യത്യാസമുണ്ടാവുകയാണ് ഒന്നാമത്തേത്. രണ്ടാമത്തേത് വളര്‍ച്ചയുടെ ഘട്ടങ്ങളില്‍ വൈകല്യങ്ങള്‍ പ്രകടിപ്പിക്കും. അടുത്തതു ഭാഷാവൈകല്യമുണ്ടാക്കുന്നു. ലോഹങ്ങളുടേയും കീടനാശിനികളുടേയും ഉപയോഗം കൊണ്ടു ജീനുകളില്‍ വ്യത്യാസം സംഭവിക്കുന്നതാണ് ഓട്ടിസത്തിനു കാരണമായി ഗവേഷകര്‍ വിലയിരുത്തുന്നത്.

മൂന്നു വയസിനു മുമ്പു തന്നെ കുഞ്ഞുങ്ങള്‍ ഓട്ടിസത്തിന്റെ ലക്ഷണങ്ങള്‍ കാണിച്ചു തുടങ്ങുന്നു. അച്ഛനമ്മമാര്‍ പലപ്പോഴും കുഞ്ഞിന്റെ ആദ്യ രണ്ടു വയസിനുള്ളില്‍ത്തന്നെ ഇത്തരം വൈകല്യങ്ങള്‍ കണ്ടെത്താറാണു പതിവ്. വളരുന്തോറും ഈ ലക്ഷണങ്ങളും വികസിക്കും. എന്നാല്‍ ചില ഓട്ടിസ്റ്റിക് കുഞ്ഞുങ്ങള്‍ രോഗലക്ഷണങ്ങള്‍ പ്രകടിപ്പിക്കില്ല. ചെറുപ്രായത്തില്‍ത്തന്നെ ഓട്ടിസത്തിന്റെ ലക്ഷണങ്ങള്‍ കണ്ടെത്താന്‍ കഴിഞ്ഞാല്‍, കുട്ടികള്‍ക്കു കൂടുതല്‍ സംരക്ഷണം നല്‍കാനും സാമൂഹ്യമായി പൊരുത്തപ്പെടാനും ആശയവിനിമയത്തിനുള്ള മാര്‍ഗങ്ങള്‍ ശീലിപ്പിക്കാനും കഴിയുന്നു. ഓട്ടിസമുള്ള കുട്ടികള്‍ക്കു പ്രായപൂര്‍ത്തിയായാലും ഒറ്റയ്ക്കു ജീവിക്കാന്‍ കഴിയില്ല. സ്വയം പര്യാപ്തത നേടിയവരുമുണ്ട്.

ഓട്ടിസത്തിനുള്ള ചികിത്സ പ്രകാരം രോഗത്തെ ഇല്ലായ്മ ചെയ്യുകയല്ല. ഓട്ടിസവുമായി ബന്ധപ്പെട്ട് കുഞ്ഞുങ്ങളിലുണ്ടാവുന്ന പ്രശ്‌നങ്ങള്‍ കുറയ്ക്കുകയും കുടുംബത്തിലുണ്ടാവുന്ന പ്രയാസങ്ങള്‍ അകറ്റുകയുമാണ്. ഓട്ടിസം ബാധിച്ച കുട്ടികളെ സഹായിക്കാന്‍ കേരളത്തില്‍ നിരവധി കേന്ദ്രങ്ങളുണ്ട്. അവരുടെ പ്രവര്‍ത്തനങ്ങളിലൂടെ കുഞ്ഞുങ്ങള്‍ക്കു നല്ലൊരു ജീവിതം പ്രദാനം ചെയ്യുകയും സ്വതന്ത്രമായി കാര്യങ്ങള്‍ ചെയ്യാനുള്ള മാര്‍ഗങ്ങള്‍ പറഞ്ഞുകൊടുക്കുകയുമാണ്. കുഞ്ഞിന്റെ ആവശ്യങ്ങള്‍ അറിഞ്ഞു പ്രവര്‍ത്തിക്കുകയാണ് ആദ്യം വേണ്ടത്. സ്‌കൂള്‍ തലം മുതല്‍ത്തന്നെ ഇത്തരം ട്രീറ്റ്‌മെന്റ് തുടങ്ങണം. അവിടെ ഇന്റന്‍സിവ് സ്‌പെഷ്യല്‍ എഡ്യുക്കേഷനും ബിഹേവിയര്‍ തെറാപ്പിയും കുട്ടികളില്‍ കൂടുതല്‍ സംരക്ഷണം നല്‍കുന്നു. ഇതിലൂടെ കുട്ടികള്‍ക്കു സ്വയം സംരക്ഷണം, സാമൂഹ്യപരമായുള്ള ഒത്തുചേരല്‍, ജോലി ചെയ്യാനുള്ള കഴിവുകള്‍ എന്നിവ വളര്‍ത്തിയെടുക്കാന്‍ കഴിയുന്നു. മാത്രമല്ല ഓട്ടിസത്തിലൂടെ സ്വഭാവത്തില്‍ വന്ന വൈകല്യങ്ങള്‍ കുറയ്ക്കാനും സാധാരണ ജീവിതത്തിലേക്കെത്താനുമുള്ള വഴിയൊരുക്കുകയുമാണ്.

ഓട്ടിസം ബാധിച്ച കുട്ടിക്കു പ്രാഥമിക ആവശ്യങ്ങളെക്കുറിച്ചു പറഞ്ഞു മനസിലാക്കാന്‍ പലപ്പോഴും കഴിഞ്ഞില്ലെന്നു വരും. അതുകൊണ്ടു തന്നെ മാതാപിതാക്കള്‍ ഇത് ഊഹിച്ചെടുക്കേണ്ട അവസ്ഥയാകുന്നു. കുഞ്ഞിന്റെ വിശപ്പ്, ദാഹം, അസുഖം എന്നിവ പറഞ്ഞു മനസിലാക്കാന്‍ കുഞ്ഞിനു കഴിയാതെ വരുമ്പോള്‍ അച്ഛനമ്മമാരാണ് ബുദ്ധിമുട്ടുക. തന്റെ കാര്യങ്ങള്‍ തിരിച്ചറിയാന്‍ അമ്മയ്ക്കു കഴിയാതെ വരുമ്പോള്‍ കുഞ്ഞിനു ദേഷ്യവും സങ്കടവുമൊക്കെയുണ്ടാകും. ഇതു കുട്ടികളെ കൂടുതല്‍ ദേഷ്യക്കാരനും സ്വയം വേദനിപ്പിക്കുന്ന സ്വഭാവക്കാരനുമാക്കും. സ്വയം വേദനിപ്പിക്കുന്നതിനൊപ്പം മറ്റുള്ളവരേയും ഉപദ്രവിക്കാന്‍ തുടങ്ങുന്നു. ചില കുട്ടികള്‍ക്ക് ഉറങ്ങുന്നതിലാണു പ്രശ്‌നമെങ്കില്‍ മറ്റു ചിലര്‍ ഭക്ഷണം കഴിക്കുമ്പോഴാവും ബുദ്ധിമുട്ട്. ഇതെല്ലാം കണ്ടു നില്‍ക്കേണ്ടി വരുന്ന കുടുംബത്തിലുള്ളവരാണ് കൂടുതല്‍ സമ്മര്‍ദത്തിലാവുന്നത്. മാതാപിതാക്കള്‍ ആദ്യം ചെയ്യേണ്ടതു മികച്ച ഒരു സോഷ്യോ സൈക്കോ ഹെല്‍പ്പറെ കണ്ടെത്തി ഉപദേശം തേടുകയാണ്. ഓട്ടിസം എന്നതു രോഗമായി കാണാതെ ഒരു വ്യത്യാസമായി കണ്ടു നോക്കൂ, കുഞ്ഞിനെ സാധാരണനിലയിലേക്കു തിരിച്ചു കൊണ്ടുവരാന്‍ കഴിയും.

Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Thu Jul 02, 2015 10:01 am

ഓട്ടിസം തിരിച്ചറിയാം...

മസ്തിഷ്ക വികാസവുമായി ബന്ധപ്പെട്ട് കുട്ടികളില്‍ കാണപ്പെടുന്ന പ്രധാന ആരോഗ്യപ്രശ്നങ്ങളില്‍ ഒന്നാണ് ഓട്ടിസം. ‘തന്നിലേക്ക് തന്നെ ഉള്‍വലിയുക’ എന്നതാണ് ഓട്ടിസം കൊണ്ടര്‍ഥമാക്കുന്നത്. നാഡീ വ്യൂഹ വ്യവസ്ഥിതിയുടെ പ്രവര്‍ത്തനത്തിലും വികാസത്തിലും ഉണ്ടാകുന്ന ക്രമക്കേടുകള്‍ മൂലം ഓട്ടിസം ബാധിച്ചവരില്‍ ആശയവിനിമയം, സങ്കല്‍പശേഷി, പെരുമാറ്റം, സാമൂഹികശേഷി തുടങ്ങിയ തലങ്ങള്‍ മറ്റ് കുട്ടികളില്‍ നിന്നും ഏറെ വ്യത്യസ്തമായിരിക്കും. പെരുമാറ്റത്തിലും ചലനത്തിലും പ്രകടമാകുന്ന വേറിട്ട സവിശേഷതകളാണ് ഓട്ടിസം തിരിച്ചറിയാന്‍ സഹായകമാകുന്ന പ്രധാന ഘടകങ്ങള്‍..

ചുറ്റുപാടുകളില്‍ നിന്നുണ്ടാകുന്ന പ്രചോദനങ്ങള്‍ക്കനുസരിച്ച് പ്രതികരിക്കാതെ തന്‍്റേതായ ലോകത്ത് വിഹരിക്കാന്‍ ഇഷ്ടപ്പെടുന്നവരാണ് ഓട്ടിസം ബാധിച്ച കുട്ടികള്‍. കാണുന്നതും കേള്‍ക്കുന്നതുമായ കാര്യങ്ങള്‍ ശരിയായി മനസിലാക്കാനോ അപഗ്രഥിക്കുവാനോ സമപ്രായക്കാരായ മറ്റ് കുട്ടികളെപ്പോലെ കഴിയാറില്ല എന്ന പ്രത്യേകതയും ഇവര്‍ക്കുണ്ട്. കൂടാതെ അക്ഷരങ്ങള്‍ ചേര്‍ത്ത് വാക്കുകളാക്കുക, വാക്കുകള്‍ ചേര്‍ത്ത് വാചകങ്ങളാക്കുക തുടങ്ങിയ ഭാഷാപരമായ കഴിവുകള്‍ ഇവരില്‍ തീരെ കുറവായിരിക്കാം. പെണ്‍കുട്ടികളെ അപേക്ഷിച്ച് ആണ്‍കുട്ടികളില്‍ ഓട്ടിസം കൂടുതലായി കണ്ടുവരുന്നു.

ഓട്ടിസത്തോടൊപ്പം അപസ്മാരം, സ്വയം പീഡനം, നിര്‍ബന്ധബുദ്ധി, ഉറക്കക്കുറവ്, ആക്രമണം തുടങ്ങിയ പ്രശ്നങ്ങള്‍ ഉണ്ടാകുന്നത് കൂടുതല്‍ സങ്കീര്‍ണതകള്‍ക്കിടയാക്കും. മറ്റ് രോഗങ്ങളുടെ അനുബന്ധമായും ഓട്ടിസം വരാം.

കാരണങ്ങള്‍

ജനിതകപരമായ ഘടകങ്ങള്‍ക്ക് പുറമേ തലച്ചോറിലെ രാസവസ്തുക്കളിലുണ്ടാകുന്ന വ്യതിയാനങ്ങള്‍, തലച്ചോറിന്‍െറ വിവിധ ഭാഗങ്ങളിലുണ്ടാകുന്ന വളര്‍ച്ചാ വൈകല്യങ്ങള്‍ തുടങ്ങിയവ ഓട്ടിസത്തിനിടയാക്കാറുണ്ട്. കൂടാതെ വൈകിയുള്ള പ്രസവം, ഗര്‍ഭകാലത്തെ അസുഖങ്ങള്‍, സങ്കീര്‍ണതയുള്ള പ്രസവങ്ങള്‍ ഇവയൊക്കെ ഓട്ടിസമുള്ള കുട്ടികളുടെ ജനനത്തിനിടയാക്കും. പ്രസവങ്ങളെല്ലാം 30 വയസിനുള്ളില്‍ നടക്കാനും ബന്ധുക്കള്‍ തമ്മിലുള്ള വിവാഹം ഒഴിവാക്കാനും ശ്രദ്ധിക്കേണ്ടതാണ്.

സമാനതകളില്ലാത്ത സ്വഭാവസവിശേഷതകള്‍

ഓട്ടിസമുള്ളവരില്‍ ചില പ്രത്യേകതരം സ്വഭാവസവിശേഷകതള്‍ കാണാറുണ്ട്. ആറ് മാസം പ്രായമാകുമ്പോള്‍ പോലും ഓട്ടിസത്തിന്‍െറ സൂചനകള്‍ അച്ഛനമ്മമാര്‍ക്ക് കണ്ടത്തൊനാകും.
കണ്ണിലേക്ക് നോക്കുമ്പോള്‍ മുഖം തിരിക്കുക, വിരല്‍ചൂണ്ടാന്‍ കഴിയാതിരിക്കുക, ആവശ്യമില്ലാതെ കരയുകയും അസ്വസ്ഥത പ്രകടിപ്പിക്കുകയും ചെയ്യുക. ഇവ പ്രധാന ലക്ഷണങ്ങളാണ്.
മറ്റുള്ളവര്‍ പറയുന്നത് ഏറ്റ് പറയുക, സംസാരത്തില്‍ വിചിത്രമായ ഈണമുണ്ടാക്കുക തുടങ്ങി പ്രത്യേകതകള്‍ ഉള്ള സംസാര രീതിയാണ് ഇവര്‍ക്കുള്ളത്. ഒന്നരവയസായിട്ടും ചെറിയവാക്കുകളിലൂടെ പോലും ആശയവിനിമയം നടത്താതിരിക്കുകയും ആദ്യം മറ്റ് കുട്ടികളെപ്പോലെ സംസാരിക്കാനും ശബ്ദമുണ്ടാക്കാനും ശ്രമിക്കുകയും പിന്നീട് ഇത്തരം ശേഷികള്‍ നഷ്ടമാവുകയും ചെയ്താല്‍ പ്രത്യേക ശ്രദ്ധയോടെ കാണണം.

സ്നേഹം പ്രകടിപ്പിക്കാനുള്ള ശേഷിയും ഇവരില്‍ കുറവാണ്. അച്ഛനോ അമ്മയോ എടുത്താലും ഇല്ളെങ്കിലും പ്രത്യേകിച്ച് വികാരങ്ങള്‍ ഒന്നും ഇവര്‍ക്കുണ്ടാകാറില്ല. ചിലര്‍ വിരല്‍ കുത്തി നടക്കുകയും കൈകള്‍കുത്താതെ പെട്ടെന്ന് വീഴുകയും ചെയ്യും. വിളിച്ചാല്‍ പ്രതികരിക്കുകയുമില്ല. ഓടാനും പടികയറാനും ചിലര്‍ മടികാണിക്കും.

വ്യത്യസ്തമായ കളികളാണ് ഓട്ടിസമുള്ള കുട്ടികളുടേത്. സമപ്രായക്കാരുമായി കൂട്ടുകൂടാനും കളിക്കാനും ഇവര്‍ ഇഷ്ടപ്പെടാറില്ല. ഒറ്റക്കിരുന്ന് കളിക്കാനും ആളുകളേക്കാള്‍ കളിപ്പാട്ടങ്ങളോട് ഇടപഴകാനുമാണ് ഇവര്‍ക്കിഷ്ടം. കളിപ്പാട്ടങ്ങളോട് താല്‍പര്യമുണ്ടെങ്കിലും അതിന്‍െറ ശരിയായ രൂപത്തില്‍ ഉപയോഗിക്കാന്‍ ഇവര്‍ക്ക് കഴിയാറില്ല. കളിപ്പാട്ടങ്ങള്‍ നിലത്തടിച്ച് ആനന്ദം കണ്ടത്തെുന്നത് ഇവരുടെ മറ്റൊരു പ്രത്യേകതയാണ്.
ശബ്ദം കേള്‍ക്കാന്‍ ഇഷ്ടമുള്ളവരും ഇല്ലാത്തവരുമുണ്ട് ഇവരുടെ കൂട്ടത്തില്‍. അതുപോലെ തന്നെ പ്രകാശത്തിലേക്ക് നോക്കാന്‍ ഇഷ്ടപ്പെടുന്നവരും തീര്‍ത്തും ഇഷ്ടമില്ലാത്തവരുമുണ്ട്. തൊടുന്നതും ചിലര്‍ക്കിഷ്ടമില്ല.

വട്ടം കറങ്ങുക, നിലത്ത് കിടന്ന് ഉരുളുക, ഇരുകൈകളും വെറുതേ ഇളക്കുക ഇവയും ഓട്ടിസം ബാധിച്ച കുട്ടികളില്‍ കാണാറുണ്ട്. ഇത്തരം സമാനതകളില്ലാത്ത സ്വഭാവസവിശേഷതകളാണ് ഓട്ടിസം ബാധിച്ച കുട്ടികള്‍ പ്രകടമാക്കുക. സംഗീതം, കണക്ക് തുടങ്ങിയവയോട് ആഭിമുഖ്യം പുലര്‍ത്തുന്നവരും ഇവരുടെ കൂട്ടത്തിലുണ്ട്. ഓട്ടിസം ബാധിച്ച കുട്ടികളില്‍ പലരും കാര്യങ്ങള്‍ മനപാഠമാക്കാന്‍ കഴിവുള്ളവരും ബുദ്ധിയുള്ളവരുമാണ്.
ചികിത്സ
ചികിത്സയുടെ വിജയത്തിന് ഓട്ടിസം നേരത്തെ തിരിച്ചറിയുന്നതുമായി ഏറെ ബന്ധമുണ്ട്. തുടര്‍ചികിത്സയും പരിചരണവും അനിവാര്യമായ ഒരു രോഗമാണ് ഓട്ടിസം. കൂടാതെ ചികിത്സക്കൊപ്പം മാതാപിതാക്കള്‍ കുട്ടിയോടൊപ്പം താമസിക്കുകയും വേണ്ടത്ര സ്നേഹവും ശ്രദ്ധയും നല്‍കുകയും വേണം. സ്നേഹപാനം, ശിരോപിച്ചു, മൃദുസ്നേഹശോധനം, വസ്തി, നസ്യം, അഞ്ജനം തുടങ്ങിയ ചികിത്സകള്‍ ഒൗഷധങ്ങള്‍ക്കൊപ്പം ഓട്ടിസത്തിന്‍െറ വിവിധഘട്ടങ്ങളില്‍ ആയുര്‍വേദം നിര്‍ദേശിക്കുന്നു.

ഓട്ടിസത്തോടൊപ്പം അപസ്മാരം, ഉറക്കക്കുറവ് ഇവയുണ്ടെങ്കില്‍ അതിനും ചികിത്സ നല്‍കും. ആശയവിനിമയം, സാമൂഹ്യബോധം, സ്വയം തൊഴില്‍ ചെയ്യുക തുടങ്ങിയ ശേഷികളെ വളര്‍ത്തിയെടുത്ത് കുട്ടികളെ പരാമവധി സ്വയം പര്യാപ്തതയിലത്തെിക്കുന്നതും ചികത്സയുടെ ഭാഗമാണ്.

ഗര്‍ഭകാലം ശ്രദ്ധയോടെ

ഗര്‍ഭകാലത്ത് അമ്മ നേരിടുന്ന മാനസിക സമ്മര്‍ദങ്ങളും വൈകാരിക പ്രശ്നങ്ങളും പോഷകാഹാരക്കുറവുമെല്ലാം ഗര്‍ഭസ്ഥശിശുവിന്‍െറ മാനസികവും ശാരീരികവുമായ ആരോഗ്യത്തെ പ്രതികൂലമായി ബാധിച്ച് ഓട്ടിസം പോലെയുള്ള രോഗങ്ങള്‍ക്കിടയാക്കാറുണ്ട്. അതിനാല്‍ പോഷക ഭക്ഷണത്തോടൊപ്പം മാനസികോല്ലാസം, ലഘുവ്യായാമം, വിശ്രമം ഇവ ഗര്‍ഭിണി ഉറപ്പാക്കേണ്ടതാണ്്.

ഓട്ടിസം പരിചരണം ക്ഷമയോടെ

യാഥാര്‍ഥ്യത്തോട് മാതാപിതാക്കള്‍ ആദ്യം തന്നെ പൊരുത്തപ്പെടുക എന്നത് പരിചരണത്തില്‍ ഏറെ പ്രധാനമാണ്. കുഞ്ഞിന്‍െറ മനസ് കാണുകയും പ്രശ്നങ്ങള്‍ പഠിക്കുകയും ചെയ്യുന്നതിലൂടെ പരിചരണം മെച്ചപ്പെടുത്താനാകും. പ്രാഥമിക കാര്യങ്ങള്‍ ഉള്‍പ്പെടെയുള്ള ദിനചര്യകള്‍ ചിട്ടയോടെ പിന്തുടരാന്‍ ക്ഷമയോടെ പരിശീലിപ്പിക്കുന്നത് ഓട്ടിസം ബാധിച്ച കുട്ടികളുടെ ജീവിത നിലവാരം മെച്ചപ്പെടുത്താറുണ്ട്. ആശയവിനിമയം നടത്താനുള്ള കുട്ടിയുടെ ശ്രമങ്ങളെ പ്രോത്സാഹിപ്പിക്കുകയും പ്രതികരണങ്ങള്‍ ശ്രദ്ധിക്കുകയും വേണം. ബുദ്ധിയുള്ള കുട്ടികളുടെ കഴിവുകളെ പ്രത്യേകം തിരിച്ചറിയണം. ഡോക്ടര്‍ നിര്‍ദേശിച്ച മരുന്നും ഭക്ഷണവും തുടരുകയും വേണം. മൊബൈല്‍ ഫോണ്‍ കുട്ടിക്ക് നല്‍കാതിരിക്കാനും ശ്രദ്ധിക്കണം.
ഭക്ഷണം

മുലപ്പാല്‍ രണ്ട് വയസ് വരെയും തുടരണം. ടിന്‍ഫുഡുകള്‍, ബേക്കറി വിഭവങ്ങള്‍, മൈദ അടങ്ങിയ ഭക്ഷണം ഇവ തീര്‍ത്തും ഒഴിവാക്കണം. ഗോതമ്പ്, പാല്‍, പാലുല്‍പ്പന്നങ്ങള്‍ ഇവ അവസ്ഥക്കനുസരിച്ച് ചിലപ്പോള്‍ ഒഴിവാക്കാറുണ്ട്. പച്ചക്കറികളും, മത്സ്യങ്ങളും ഉള്‍പ്പെട്ട നാടന്‍ ഭക്ഷണമാണ് കുട്ടിക്ക് അനുയോജ്യം. മത്സ്യങ്ങളില്‍ അയല, മത്തി, കിളിമീന്‍, ചൂര ഇവ ഏറെ ഗുണകരമാണ്.
Back to top Go down
sandeep
Forum Boss
Forum Boss
avatar

Location : Dubai

PostSubject: Re: അമ്മമാര്‍ അറിയുവാന്‍ !   Thu Jul 02, 2015 11:10 am

Back to top Go down
sandeep
Forum Boss
Forum Boss
avatar

Location : Dubai

PostSubject: Re: അമ്മമാര്‍ അറിയുവാന്‍ !   Tue Oct 13, 2015 9:37 am

ഓണ്‍ലൈന്‍ മുലപ്പാലില്‍ അപകടകാരികളായ ബാക്‌ടീരിയകള്‍

സ്വന്തം കുഞ്ഞിന് മുലപ്പാല്‍ നല്‍കാന്‍പോലും അമ്മമാര്‍ക്ക് സമയമില്ലാത്ത കാലമാണിത്. അതുകൊണ്ടുതന്നെയാണ് ഓണ്‍ലൈന്‍ മുലപ്പാലിന് പ്രചാരമേറുന്നതും. എന്നാല്‍ ഓണ്‍ലൈന്‍ മുലപ്പാല്‍ വില്‍പ്പന തുടങ്ങിയ കാലം മുതല്‍, അതില്‍ അപകടകാരികളായ ബാക്ടീരിയ അടങ്ങിയിട്ടുണ്ടെന്ന വാര്‍ത്ത പുറത്തുവന്നിട്ടുണ്ട്. അമേരിക്കന്‍ മാധ്യമങ്ങളാണ് ആദ്യം ഇത് റിപ്പോര്‍ട്ട് ചെയ്തത്. എന്നാല്‍ ഇപ്പോള്‍ ബിബിസിയുടെ അന്വേഷണാത്മക റിപ്പോര്‍ട്ട് ഇത് ശരിവെക്കുന്നു.

മുലപ്പാല്‍ വില്‍ക്കുന്ന ഓണ്‍ലൈന്‍ വെബ്സൈറ്റ് മുഖേന പത്തിലധികം തവണയാണ് ബിബിസി മാധ്യമപ്രവര്‍ത്തകന്‍ ഇത് വാങ്ങിയത്. ആറു മാസം പ്രായമുള്ള കുട്ടിയുടെ അച്ഛന്‍ എന്ന വ്യാജേനയാണ് മുലപ്പാല്‍ വാങ്ങിയത്. എന്നാല്‍ ഇത് ലാബില്‍ നല്‍കി പരിശോധിച്ചപ്പോള്‍ ഞെട്ടിക്കുന്ന റിപ്പോര്‍ട്ടാണ് ലഭിച്ചത്. ഓണ്‍ലൈനില്‍ വാങ്ങിയ മുലപ്പാലില്‍ ഇ കോളി, കാന്‍ഡിഡ തുടങ്ങിയ മാരക ബാക്‌ടീരിയകള്‍ അടങ്ങിയിട്ടുണ്ടെന്ന് വ്യക്തമായതായി ബിബിസി റിപ്പോര്‍ട്ടില്‍ പറയുന്നു.

ഈ മുലപ്പാല്‍ കുടിക്കുന്ന കുട്ടികളുടെ പ്രതിരോധ ശേഷി ദിവസംതോറും കുറഞ്ഞുവരുന്നതായി കണ്ടെത്തിയിട്ടുണ്ട്. ഇതുസംബന്ധിച്ച റിപ്പോര്‍ട്ട് അടുത്തിടെയാണ് പുറത്തുവന്നത്. ഏതായാലും ഓണ്‍ലൈനില്‍ ലഭ്യമാകുന്ന മുലപ്പാല്‍ അപകടകരമാണെന്ന റിപ്പോര്‍ട്ടിന് കൂടുതല്‍ സ്ഥിരീകരണമാണ് പുതിയ റിപ്പോര്‍ട്ടുകള്‍ നല്‍കുന്നത്.
Back to top Go down
Ammu
Forum Boss
Forum Boss
avatar


PostSubject: Re: അമ്മമാര്‍ അറിയുവാന്‍ !   Tue Oct 13, 2015 9:39 am

sandeep wrote:
ഓണ്‍ലൈന്‍ മുലപ്പാലില്‍ അപകടകാരികളായ ബാക്‌ടീരിയകള്‍

സ്വന്തം കുഞ്ഞിന് മുലപ്പാല്‍ നല്‍കാന്‍പോലും അമ്മമാര്‍ക്ക് സമയമില്ലാത്ത കാലമാണിത്. അതുകൊണ്ടുതന്നെയാണ് ഓണ്‍ലൈന്‍ മുലപ്പാലിന് പ്രചാരമേറുന്നതും. എന്നാല്‍ ഓണ്‍ലൈന്‍ മുലപ്പാല്‍ വില്‍പ്പന തുടങ്ങിയ കാലം മുതല്‍, അതില്‍ അപകടകാരികളായ ബാക്ടീരിയ അടങ്ങിയിട്ടുണ്ടെന്ന വാര്‍ത്ത പുറത്തുവന്നിട്ടുണ്ട്. അമേരിക്കന്‍ മാധ്യമങ്ങളാണ് ആദ്യം ഇത് റിപ്പോര്‍ട്ട് ചെയ്തത്. എന്നാല്‍ ഇപ്പോള്‍ ബിബിസിയുടെ അന്വേഷണാത്മക റിപ്പോര്‍ട്ട് ഇത് ശരിവെക്കുന്നു.

മുലപ്പാല്‍ വില്‍ക്കുന്ന ഓണ്‍ലൈന്‍ വെബ്സൈറ്റ് മുഖേന പത്തിലധികം തവണയാണ് ബിബിസി മാധ്യമപ്രവര്‍ത്തകന്‍ ഇത് വാങ്ങിയത്. ആറു മാസം പ്രായമുള്ള കുട്ടിയുടെ അച്ഛന്‍ എന്ന വ്യാജേനയാണ് മുലപ്പാല്‍ വാങ്ങിയത്. എന്നാല്‍ ഇത് ലാബില്‍ നല്‍കി പരിശോധിച്ചപ്പോള്‍ ഞെട്ടിക്കുന്ന റിപ്പോര്‍ട്ടാണ് ലഭിച്ചത്. ഓണ്‍ലൈനില്‍ വാങ്ങിയ മുലപ്പാലില്‍ ഇ കോളി, കാന്‍ഡിഡ തുടങ്ങിയ മാരക ബാക്‌ടീരിയകള്‍ അടങ്ങിയിട്ടുണ്ടെന്ന് വ്യക്തമായതായി ബിബിസി റിപ്പോര്‍ട്ടില്‍ പറയുന്നു.

ഈ മുലപ്പാല്‍ കുടിക്കുന്ന കുട്ടികളുടെ പ്രതിരോധ ശേഷി ദിവസംതോറും കുറഞ്ഞുവരുന്നതായി കണ്ടെത്തിയിട്ടുണ്ട്. ഇതുസംബന്ധിച്ച റിപ്പോര്‍ട്ട് അടുത്തിടെയാണ് പുറത്തുവന്നത്. ഏതായാലും ഓണ്‍ലൈനില്‍ ലഭ്യമാകുന്ന മുലപ്പാല്‍ അപകടകരമാണെന്ന റിപ്പോര്‍ട്ടിന് കൂടുതല്‍ സ്ഥിരീകരണമാണ് പുതിയ റിപ്പോര്‍ട്ടുകള്‍ നല്‍കുന്നത്.

മുലപ്പാല്‍ ഒക്കെ ഓണ്‍ലൈന്‍ വഴി വാങ്ങാന്‍ പോകുന്നതിലും നല്ലത് വല്ല ബേബി ഫുഡ്‌ ഉം കലക്കി കൊടുക്കുന്നതാ
Back to top Go down
Nandhoos
Forum Member
Forum Member
avatar


PostSubject: Re: അമ്മമാര്‍ അറിയുവാന്‍ !   Tue Jun 20, 2017 12:18 am

Baby Food Recipes


Kerala Special Baby Food Recipes
Back to top Go down
Minnoos
Forum Boss
Forum Boss
avatar

Location : Dubai

PostSubject: Re: അമ്മമാര്‍ അറിയുവാന്‍ !   Tue Jul 11, 2017 4:31 pm

thanku nandoos
Back to top Go down
Sponsored content




PostSubject: Re: അമ്മമാര്‍ അറിയുവാന്‍ !   

Back to top Go down
 
അമ്മമാര്‍ അറിയുവാന്‍ !
View previous topic View next topic Back to top 
Page 1 of 1

Permissions in this forum:You cannot reply to topics in this forum
സംഗീതസംഗമം  :: Mahilaa Sangamam :: Child Care-
Jump to: